Ómicron2 Canis Majoris (ο2 CMa / 24 Canis Majoris / HD 53138) ye una estrella na constelación de Canis Major de magnitú aparente +3,02. Comparte la denominación de Bayer Ómicron cola estrella ο1 Canis Majoris, visualmente 2 graos al oeste. Anque físicamente nun tán rellacionaes al topase dixebraes siquier 70 años lluz, piénsase que los dos nacieron nel mesmu complexu de gas y polvu interestelar. Dambes estrelles paecen formar parte d'una amplia asociación d'estrelles O y B, que tamién inclúi a Wezen (δ Canis Majoris), denomada Collinder 121.
A una imprecisa distancia de 2500 años lluz del Sistema Solar, Ómicron2 Canis Majoris ye una superxigante azul de tipu espectral B3Ia. Ye una estrella caliente de 14.700 K de temperatura y una de les estrelles más lluminoses que se conocen, siendo la so lluminosidá —incluyida la radiación ultravioleta emitida— 110.000 vegaes mayor que la del Sol. Con una edá de solu 8 millones d'años, nel so nucleu yá se produz el tresformamientu d'heliu en carbonu y oxíxenu. Siendo la so masa 20 vegaes mayor que la masa solar, el so destín ye esplotar como una brillosa supernova.
Ómicron2 Canis Majoris ta catalogada como una variable Alfa Cygni, variando'l so rellumu ente magnitú +2,98 y +3,04.
Referencies
Ómicron2 Canis Majoris (SIMBAD) Ómicron2 Canis Majoris (Stars, Jim Kaler)
Omicron2 Canis Majoris Omicron2 Canis Majoris Omicron2 Canis Majoris Omicron2 Canis majoris Omicron2 Canis Majoris