PW Andromedae (PW And / HD 1405 / SAO 53799)V* PW And -- Variable of RS CVn type (SIMBAD) ye una estrella na constelación d'Andrómeda. La so magnitú aparente ye +8,86, polo que nun ye observable a simple vista, y alcuéntrase a 105 años lluz del Sistema Solar. Ye miembru de l'Asociación estelar de AB Doradus.
PW Andromedae ye una nana naranxa de tipu espectral K2V con una temperatura superficial de 4808 K. Relluma con una lluminosidá igual al 64% de la lluminosidá solar. El so radiu ye un 16% más grande que'l radiu solar y xira sobre sigo mesma con una velocidá de rotación de 33,2 km/s. El so periodu de rotación ye de 1,762 díes, equivalente a 1/16 del que tien el Sol. Tien una masa averada de 1,07 mases solares. Ye una estrella pre-secuencia principal bien nueva que se topa na etapa darréu anterior a la edá cero de la secuencia principal (ZAMS); envalórase que tien namái 20 millones d'años d'edá.
PW Andromedae ta catalogada como estrella variable del tipu RS Canum Venaticorum. El so rellumu fluctúa 0,10 magnitúes nun periodu igual al so periodu de rotación.PW And (General Catalogue of Variable Stars) Los cambeos de rellumu nestes variables suelen ser debíos a manches estelares análogues a les del Sol pero de dimensiones enforma mayores. En PW Andromedae detectáronse manches estelares fríes que la so estrema de temperatura al respective de la fotosfera llega hasta los 1200 K. Diches manches fundamentalmente alcuéntrense nuna franxa de ± 40° respectu al ecuador de la estrella.
Referencies
Categoría:Estrelles Categoría:Nanes naranxes Categoría:Estrelles variables Categoría:Variables RS Canum Venaticorum Categoría:Constelación d'Andrómeda