RZ Tauri (RZ Tau / HD 285892 / HIP 21467)V* RZ Tau -- Eclipsing binary of W UMa type (SIMBAD) ye una estrella variable na constelación de Tauru. Foi reconocida en fotografíes per vegada primer por Schilt (1925) y clasificada como variable W Ursae Majoris por Oosterhoff en 1930. Alcuéntrase a 717 años lluz de distancia del Sistema Solar.
RZ Tauri ye una binaria de contautu, esto ye, los sos componentes tán tan cerca ente sigo que se tán tocando y esiste tresferencia de masa ente elles; amás, el grau de «sobrecontautu» d'esta binaria ye fondu (56%). Ye una binaria eclipsante, al igual que W Ursae Majoris, prototipu d'esta clase de variables, bazcuyando'l so rellumu ente magnitú +10,08 y +10,71 nun periodu de 0,4157 díes.RZ Tauri (General Catalogue of Variable Stars) Dichu periodu aumenta de cutio a un ritmu de 9,67 × 10−8 díes per añu, lo que puede debese a tresferencia de masa dende la estrella menos masiva a la más masiva. De la mesma, l'asimetría reparada na so curva de lluz puede esplicase pola presencia d'una mancha fría na componente secundaria.
El tipu espectral de RZ Tauri ye A7V (F0V según otres fontes). La estrella más masiva tien una masa de 1,70 mases solares y un radiu de 1,56 radios solares, siendo la so lluminosidá 6,19 vegaes la del Sol. El so acompañante, 2,60 vegaes más lluminosa que'l Sol, tien una masa de 0,64 mases solares y un radiu de 1,04 radios solares.
Una tercer estrella, visualmente a 0,8 segundos d'arcu, completa'l sistema estelar. Piénsase que ye una nana colorada de tipu espectral M5V o mayor, con una masa inferior a 0,2 mases solares. La so separación cola binaria de contautu ye de siquier 139 UA.
Referencies
Categoría:Estrelles Categoría:Estrelles blanques de la secuencia principal Categoría:Nanes coloraes Categoría:Estrelles variables Categoría:Constelación de Tauru