Tau1 Gruis (τ1 Gru)Tau1 Gruis (SIMBAD)Tau1 Gruis (The Bright Star Catalogue) ye una estrella na constelación de Grus, la grulla. De magnitú aparente +6,03, comparte la denominación de Bayer «Tau» con otros dos estrelles, τ2 Gru y τ³ Gru. Les tres estrelles nun tán físicamente rellacionaes ente sigo, topándose a distinta distancia del Sistema Solar. En 2002 anuncióse'l descubrimientu d'un planeta estrasolar n'órbita alredor de Tau1 Gruis.
Carauterístiques físiques Asitiada a 109 años lluz de distancia del Sistema Solar, Tau1 Gruis ye una nana mariella de tipu espectral G0V y 6008 K de temperatura efectivo. Sicasí, la so elevada lluminosidá —3,6 vegaes mayor que la del Sol—, suxer que ta empezando a evolucionar y que probablemente va rematar llueu la fusión del so hidróxenu internu.Tau1 Gruis (Stars, Jim Kaler) Esto tamién vien acotáu pol so tamañu, yá que'l so radiu, evaluáu per aciu interferometría, ye un 72% más grande que'l del Sol. La so velocidá de rotación ye igual o superior a 5,9 km/s y nun amuesa actividá cromosférica. Tien una masa aproximadamente un 33% mayor que la masa solar y una edá envalorada de 5400 millones d'años.
Composición elemental Como munches estrelles con sistemes planetarios, Tau1 Gruis tien una elevada metalicidá —basada na so bayura relativa de fierro—, siendo ésta un 74% mayor que la solar ([Fe/H] = +0,24). Otros elementos evaluaos tamién son «sobreabundantes», como por casu el sodiu, 2,2 vegaes más abondosa que nel Sol. Tocantes al so conteníu de litiu (logє[Li] = 2,77), ésti ye bien cimeru a la solar, pero hai que tener en cuenta que'l Sol paez tar emprobecíu nesti elementu en rellación a otres estrelles asemeyaes de la nuesa redolada.
Sistema planetariu
Midíes de velocidá radial suxeren qu'en redol a Tau1 Gruis esiste un planeta con una masa mínimo 1,23 vegaes mayor que la masa de Xúpiter. Asitiáu a una distancia media de 2,56 UA de la estrella —la distancia que dixebra al cinturón d'asteroides del Sol—, completa una órbita casi circular en daqué más de 3,6 años.HD 216435 (The Estrasolar Planet Encyclopaedia)
Ver tamién Llista de planetes estrasolares
Referencies
Categoría:Estrelles Categoría:Nanes marielles Categoría:Planetes estrasolares Categoría:Constelación de Grus Categoría:Sistemes planetarios