Unukalhai (α Ser / α Serpentis / 24 Serpentis) ye la estrella más brillosa de la constelación de Serpens, la culiebra, asitiada na parte occidental de la mesma (Serpens Caput).
Nome
Unukalhai, según les sos variantes Unuk, Unuk al Hai o Unuk Elhaia, proceden del árabe عنق الحية, cunuq[o] al-ħayya[h], y signifiquen «el pescuezu de la culiebra».Unukalhai (The Fixed Stars) Otru nome menos frecuente, Cor Serpentis, provién del llatín y significa «el corazón de la culiebra».
Esta estrella puede ser la Lucidus Anguis qu'apaez nes obres Ovidiu y Virxiliu.
Carauterístiques físiques
Asitiada a 73 años lluz del Sistema Solar, Unukalhai ye una xigante naranxa de tipu espectral K2IIIb,Unukalhai (SIMBAD) bien similar a Hamal (α Arietis) y Cebalrai (β Ophiuchi). De magnitú aparente +2,63, la so lluminosidá —incluyida la radiación qu'emite na rexón infrarroxa— ye 70 vegaes mayor que la lluminosidá solar. Con un radiu aproximadamente 15 vegaes más grande que'l radiu solar, la so enerxía provién del tresformamientu d'heliu en carbonu y oxíxenu.Unukalhai. Stars (Jim Kaler) La so temperatura efectivo de 4300 K dexa calificala como xigante naranxa «caliente» y, como tal, emite rayos X, a diferencia de xigantes naranxes más fríes que nun lo faen. Con una masa un 79% mayor que la masa solar, la so metalicidá ye casi un 50% más elevada que l'atopada nel Sol ([Fe/H] = +0,17).
Visualmente Unukalhai tien una compañera de magnitú +11,8 a 58 segundos d'arcu de la estrella principal que nun paez tar físicamente venceyada a ella.Unukalhai (The Bright Star Catalogue)
Referencies
Categoría:Estrelles Categoría:Xigantes naranxes Categoría:Constelación de Serpens