UV Piscium (UV Psc / HD 7700 / HIP 5980) ye un sistema estelar de magnitú aparente +8,91V* UV Psc -- Eclipsing binary of beta Lyr type (SIMBAD) asitiáu na constelación de Piscis, 1º al sur de ζ Piscium. Alcuéntrase a 275 años lluz del Sistema Solar.
UV Piscium ye un binaria espectroscópica onde la componente más brillosa ye una nana mariella de tipu espectral G5V bien paecida a Sol. Tien una temperatura efectivo de 5780 ± 100 K y la so lluminosidá ye un 23% mayor que la lluminosidá solar. Con una masa de 0,98 mases solares, el so radiu ye un 11% más grande que'l del Sol y xira sobre sigo mesma con una velocidá de rotación proyeutada de 68 km/s. La estrella secundaria ye una nana naranxa de tipu K3V que la so temperatura ye de 4750 ± 80 K. La so lluminosidá equival al 30% de la que tien el Sol y la so masa ye igual a 3/4 partes de la masa solar. El so radiu ye un 16% más pequeñu que'l radiu solar y xira sobre sigo mesma con una velocidá de rotación de siquier 53 km/s.
UV Piscium constitúi una binaria eclipsante que'l so periodu orbital ye de 0,861 díes. Nel eclís principal el so rellumu mengua 1,14 magnitúes ente que nel secundariu'l descensu de rellumu ye de 0,63 magnitúes. Ye, amás, una variable RS Canum VenaticorumUV Psc (General Catalogue of Variable Stars) —lo qu'implica una intensa actividá cromosférica— según una radioestrella. La edá del sistema envalórase en 7900 millones d'años.
Referencies
Categoría:Estrelles Categoría:Nanes marielles Categoría:Nanes naranxes Categoría:Estrelles binaries Categoría:Estrelles variables Categoría:Variables RS Canum Venaticorum Categoría:Constelación de Piscis