Xi Tauri (ξ Tau / 2 Tauri / HD 21364)Ksi Tauri (SIMBAD) y tradicionalmente conocida como Ushakaron ye un sistema estelar de la constelación de Tauru de magnitú aparente +3,73. Alcuéntrase a 222 años lluz de distancia del Sistema Solar.
Catalogada como estrella de tipu espectral B9V, Xi Tauri ye en realidá un sistema estelar cuádruplu que consta d'una estrella triple orbitada por una cuarta componente. La estrella triple paez tar formada por una binaria cercana compuesta por dos estrelles blancu-azulaes de tipu B9V que'l so periodu orbital ye de 7,15 díes. Alredor d'esti par interior muévese una estrella daqué más caliente —de tipu B8V— qu'emplega 145 díes en completar el so órbita. Yá que la lluz de les tres estrelles nun pudo ser dixebrada, nun se conocen con exactitú los parámetros individuales de caúna d'elles. La separación real ente les componentes del par interior pue ser de 0,13 UA, ente que la estrella B8 taría asitiada a 1,1 UA de la binaria.
La cuarta estrella que completa'l sistema, afayada por interferometría, ye d'octava magnitú y tópase visualmente a delles décimes de segundu d'arcu de la estrella triple. Separada d'ella unes 50 UA, emplega aproximao un sieglu en completar la so órbita. Tien una masa de 1,25 mases solares, lo que correspuende a una nana blancu-mariella de tipu F.Xi Tauri (Stars, Jim Kaler)
Referencies
Categoría:Estrelles Categoría:Constelación de Tauru