Zeta Monocerotis (ζ Mon / 29 Monocerotis / HD 67594)Zeta Monocerotis (SIMBAD) ye una estrella na constelación de Monoceros, el unicorniu. Con magnitú aparente +4,37, ye la cuarta estrella más brillosa na constelación, dempués de α Monocerotis, γ Monocerotis y δ Monocerotis.
Asitiada a pocu más de 1000 años lluz del Sistema Solar, Zeta Monocerotis ye una superxigante mariella de tipu espectral G2Ib (onde la «b» indica que dientro d'esta clase ye de les menos lluminoses). Magar ello, la so lluminosidá ye 5540 vegaes mayor que la del Sol, siendo'l so temperatura superficial de 5400 ± 100 K. Nun ye una estrella variable; dientro del diagrama de Hertzsprung-Russell ta asitiada nel estremu fríu de la denomada «banda d'inestabilidá», zona onde s'atopen les cefeides. El so diámetru ye aproximao 83 vegaes más grande que'l diámetru solarZeta Monocerotis (Stars, Jim Kaler) y xira sobre si mesma con una velocidá de rotación proyeutada de 6,7 km/s —otru estudiu señala una cifra daqué cimera de 7,2 km/s—. Arriendes d'ello, el so periodu de rotación puede tener una duración d'hasta 1,25 años. La so masa ye de 9.2 ± 0,4 mases solares y tien una edá averada de 52 millones d'años, cuando empezó la so vida como una caliente estrella de la secuencia principal de tipu B2-B3.
Visualmente pueden reparase trés estrelles respeutivamente a 33, 66 y 40 segundos d'arcu de Zeta Monocerotis. La primera ye una compañera óptica ensin rellación física con Zeta MonocerotisZeta Monocerotis (The Bright Star Catalogue) y probablemente les otres dos tampocos tean físicamente amestaes a ella.
Referencies
Categoría:Estrelles Categoría:Superxigantes marielles Categoría:Constelación de Monoceros