Fixo más de 500 actuaciones en producciones rodaes ente 1924 y 1956.
Biografía Nacíu n'Eau Claire, Wisconsin (Estaos Xuníos), el so nome completu yera William Stanley Blystone. Ye sobre manera conocíu pola so actuación nel filme de Charlie Chaplin Tiempos modernos, nel papel del padre de Paulette Goddard, según pol so trabayu en delles películes de The Three Stooges. Dalgunos de los sos papeles más destacaos con ellos son los que llevó a cabu nes películes Half Shot Shooters, False Alarms, Goofs and Saddles, Three Little Twirps y Slaphappy Sleuths. La so última actuación col tríu tuvo llugar en Of Cash and Hash en 1955. Amás, Blystone actuó en delles películes protagonizaes por Stan Laurel y Oliver Hardy.
Stanley Blystone finó sópitamente'l 16 de xunetu de 1956 en Hollywood, California, por causa de un infartu agudu de miocardiu que sufrió mientres pasiaba per una cera de la ciudá. Foi enterráu nel Campusantu Valhalla Memorial Park de Hollywood. Blystone había estáu casáu cola actriz Alma Tell (1898–1937), nun teniendo dambes descendencia. Los sos hermanos yeren el direutor cinematográficu John G. Blystone (1892–1938) y l'ayudante de direición Jasper Blystone.
Seleición de la so filmografía
Referencies
Referencies
Enllaces esternos