David McLean foi un actor cinematográficu y televisivu d'Estaos Xuníos, conocíu por ser l'intérprete, dende principios de la década de 1960, de diversos anuncios comerciales de Marlboro, tantu pa la televisión como pa los medios impresos.
Biografía El so verdaderu nome yera Eugene Joseph Huth, y nació en Akron (Ohio)."David McLean" on TV.com
Amás del so trabayu pa Marlboro, McLean fixo'l papel titular de la serie televisiva emitida en 1960 pola NBC Tate, actuando tamién en numberoses producciones televisives y llargumetraxes nos años sesenta y setenta.
Participó nel episodiu Come and Watch Me Die del añu 1963 nel papel del Xérif del condáu, de la esitosa serie de televisión The Fugitive.
Fumador de tola vida, McLean careció d'enfisema en 1985, y en 1994 -y extirparon un tumor pulmonar. N'afayando que tenía un cáncer de pulmón, fíxose activista anti-tabacu, y nuna xunta d'accionistes de Philip Morris, fabricante de Marlboro, McLean solicitó que llindaren la so publicidá.
David McLean finó por causa del so cáncer de pulmón el 12 d'ochobre de 1995 en Culver City. Tenía 73 años d'edá. Foi enterráu nel Campusantu de Holy Cross en Culver City, California.
En 1996 la vilba y el fíu de McLean demandaron a Philip Morris pola so muerte, alegando que'l tabacu fuera la causa del so cáncer.
Referencies
Enllaces esternos
http://movies.aol.com/celebrity/david-mclean/47820/biografía
Categoría:Actores y actrices d'Estaos Xuníos