Guy Madison foi un actor cinematográficu y televisivu d'Estaos Xuníos.
Biografía El so verdaderu nome yera Robert Ozell Mosely, y nació en Bakersfield (California). Madison estudió nel Bakersfield College mientres dos años y dempués trabayó de volao como emplegáu telefónicu enantes d'ingresar na Guardia Costera de los Estaos Xuníos en 1942.
En 1944, mientres visitaba Hollywood aprovechando que taba de pase, Madison foi afayáu por Henry Willson, el cazatalentos de David O. Selznick na acabante formar Vanguard Pictures. Willson escoyó al rebautizado Madison pa un pequeñu papel na película de Selznick Since You Went Away. Tres l'estrenu del filme en 1944, l'estudiu recibió miles de cartes d'almiradores que deseyaben conocer más d'él.
Madison robló por RKO Pictures en 1946 y empezó a actuar en comedies romántiques y drames, pero'l so estilu interpretativu llindó les sos posibilidaes d'ameyorar la calidá de les películes en qu'intervenía. En 1951 la televisión vieno al rescate de la so duldosa carrera al ser escoyíu pa trabayar en The Adventures of Wild Bill Hickok, serie que s'emitió seis años.
Tres la so participación na televisión, actuó n'otres varies películes enantes de viaxar a Europa, onde consiguió mayor ésitu trabayando en spaghetti westerns y películes d'otros xéneros, como'l cine bélicu.
Madison finó por causa de un enfisema a los 74 años d'edá en Palm Springs (California), y foi enterráu nel campusantu Forest Lawn de Cathedral City, California.
Guy Madison tien una estrella nel Paséu de la Fama de Hollywood pol so trabayu televisivu, nel 6331 de Hollywood Boulevard.
Vida personal Madison tuvo casáu cola actriz Gail Russell (1949-1954) y con Sheila Connolly (1954-1964). Dambos matrimonios acabaron en divorciu. Tuvo tres fíos y un fíu.
Filmografía parcial Cine La muyer del llátigu (1958) El verdugu de Venecia (1963), de Luigi Capuano Sandokán y el lleopardu de Sarawak (1964) Desafíu en Ríu Bravo, de Tuliu Demicheli (1965) 7 winchester pa una matanza, d'Enzo G. Castellari (1967)Reverendu Colt, de León Klimovsky (1971)Won Ton Ton, el perru que salvó a Hollywood (1976)
Televisión The Adventures of Wild Bill Hickok'' (1951-1958)
Referencies
Guy Madison at Brian's Drive-in Theater Guy Madison's bio at Find A Grave
Enllaces esternos
Categoría:Actores y actrices d'Estaos Xuníos Categoría:Persones de California Categoría:Actores y actrices de wéstern