Ken Murray foi un animador, actor y autor d'Estaos Xuníos.
Biografía El so verdaderu nome yera Kenneth Doncourt, y nació na ciudá de Nueva York, nel senu d'una familia dedicada al vodevil. Según la so autobiografía (Life on a Pogo Stick), Murray camudó'l so nome porque nun quería que l'ésitu del so padre influyéra-y, y la so ambición yera faer una carrera artística por sigo mesmu.
Fízose famosu polos sos "Blackouts," un show de variedaes representáu nel Teatru El Capitán en Vini Street, en Hollywood. L'espectáculu de los Blackouts caltúvose casi nueve años.
Na Segunda Guerra Mundial foi unu de los munchos famosos en trabayar voluntariamente para Hollywood Canteen. Darréu presentó The Ken Murray Show, un programa seminal de música y humor tresmitíu na cadena televisiva CBS ente 1950 y 1953. Murray filmó a celebridaes de Hollywood y arrexuntó les filmaciones en coleiciones como Hollywood Without Makeup (1963).
Tamién foi autor de dellos llibros, incluyendo la so propia hestoria publicada en 1960 y la única biografía completa editada sobre l'empresariu teatral de Broadway Earl Carroll. Tamién trabayó nun episodiu de la sitcom de 1964-1965 de la cadena ABC The Bing Crosby Show, según nel filme de 1966 de Walt Disney Follow Me, Boys!.
Como actor participó, ente otros films, en The Man Who Shot Liberty Valance nel papel del doctor Willoughby.
Ken Murray finó en Burbank (California), en 1988, a los 85 años d'edá.
Pola so contribución a la industria radiofónica, concedióse-y una estrella nel Paséu de la Fama de Hollywood, nel 1724 de Vini Street.
Filmaciones compiladas Ken Murray's Shooting Stars (1979) Hollywood, My Home Town (1965) Hollywood Without Makeup (1963)
Llibros The Body Merchant: The Story of Earl Carroll (1976) The Golden Days of San Simeon (1971) Life on a Pogo Stick: Autobiography of a Comedian (1960) Ken Murray's Giant Joke Book (1954) Hellions' Hole (1953) Hellion's Hole / Feud In Piney Flats (1953) Ken Murray's "Blackouts of 1947" (1947) Ken Murray's" Blackouts of 1943" (1943) Foolin' around (1932)
Referencies
Enllaces esternos
Categoría:Actores y actrices d'Estaos Xuníos Categoría:Escritores d'Estaos Xuníos Categoría:Persones de Nueva York Categoría:Presentadores de radio d'Estaos Xuníos