NGC 1705 ye una galaxa nana irregular na constelación de Pictor a 17 millones d'años lluz de distancia de la Tierra.
Imáxenes llograes col Telescopiu Espacial Hubble dexen ver cómo estrelles nueves, azules y calientes concéntrense escontra'l centru galácticu, ente que les más vieyes, acolorataes y fríes atópense más tremaes. Anque en NGC 1705 tuviéronse formando estrelles n'otres dómines, hai ente 26 y 31 millones d'años tuvo llugar un episodiu de gran actividá na formación estelar. Munches de les nueves estrelles del nucleu galácticu -nel que se topa un super cúmulu estelar (NGC 1705-1) con una masa de 10⁵ mases solares d'esa edá qu'esplica qu'ésta galaxa seya clasificada como una galaxa con biltu estelarSuper Star Cluster NGC 1705-1: A Local Analog to the Birth Site of Long-Duration γ-Ray Bursts- nacieron nesti periodu de "españíu estelar".Hubble Resolves a Blaze of Stars in a Galaxy's Core, en Hubble Heritage (n'inglés)
NGC 1705 ta clasificada como una nana irregular pol so pequeñu tamañu y por escarecer d'una estructura regular. Anguaño, créese que galaxes como ésta foron los primeros sistemes en colapsar y empezar a formar estrelles nel universu primitivu. Representen los primeros bloques a partir de los que formáronse más tarde oxetos muncho más masivos como les galaxes espirales y elíptiques al traviés de fusiones ya interacciones. L'estudiu de les estrelles de NGC 1705 y otres galaxes irregulares cercanes demostró qu'estes galaxes tienen dellos miles de millones d'años d'antigüedá. La mesma NGC 1705 podría tener hasta unos 13.500 millones d'años.
Ver tamién Llista de galaxes Llista d'oxetos NGC
Enllaces esternos Catálogu SEDS
Referencies
1705 Categoría:Galaxes irregulares Categoría:Constelación de Pictor