El corréu electrónicu ye un serviciu de rede pa unviar y recibir mensaxes ente usuarios al traviés de sistemes de comunicación lletrónicos (normalmente por Internet). Esto fai que seya mui útil comparáu col corréu ordinariu, porque ye más baratu y rápidu.

Xunto colos mensaxes tamién pueden unviase ficheros como paquetes amestaos.

Historia El nome vien de l'analoxía col corréu postal: los dos sirven pa mandar y recibir mensaxes, y úsense "buzones" intermedios (sirvidores), au los mensaxes se guarden temporalmente mientres lleguen al so destín.

Inventólu Ray Tomlinson en 1971. D'aquella ya hubiera un sistema de mensaxería en cada ordenador (que yera compartida por varios usuarios), pero nun había ún que permitiere unviar mensaxes a otra ordenador d'una rede. Tomlinson elixó l'arroba (@) como divisor ente l'usuariu y l'ordenador na que s'abelluga la caxina de corréu porque n'inglés @ dizse "at" (que pue tornase en "en"). Asina, [email protected] lleeríase usuariu en dominiu.com.

Problemes Nos últimos tiempos tán saliendo estremaos tipos d'unvios qu'afecten a la seguridá/veracidá de la conexón al traviés d'esti mediu. Nesti sen, los medios más emplegaos son los virus y troyanos y los bulos o engaños; los primeros infesten los ordenadores al traviés de ficheros unviaos xunto colos mensaxes y los segundos afecten a la credibilidá de los mensaxes tresmitíos a partir de terceros na rede. Tamién, cada vegada alcuéntrase más corréu publicitariu non solicitáu o basoria: corréu puxarra o spam.

Servicios de corréu electrónicu Principales fornidores de servicios de corréu electrónicu de baldre: Gmail: webmail y POP3 Hotmail: webmail Yahoo!: webmail y POP3 con publicidá Lycos: webmail

Programes pa lleer y organizar corréu Principales programes Evolution: GNU/Linux Outlook Express: Windows Thunderbird: Windows, GNU/Linux, Mac OSX Mail: macOS

Programes servidores de corréu Principales programes Exim: GNU/Linux y Unix en xeneral. Sendmail: GNU/Linux y Unix en xeneral. Postfix: GNU/Linux y Unix en xeneral. Microsoft Exchange Server: Windows

Ver tamién MIME Llista de corréu electrónicu SMTP POP3 IMAP webmail

Referencies

Enllaces esternos

Categoría:Protocolos de redes Categoría:Terminoloxía informática