Russula fellea, o rúsula de hiel, ye un fungu basidiomicetu de la familia Russulaceae. El so basónimu ye Agaricus felleus Fr. 1821. Crez nuna variedá de suelos, tanto ácidos como caliares, y tanto en zones d'enllanada como de monte. Ye un fungu frecuente, bien común en montes de fayes y carbayos d'Europa. El so cogorda, o cuerpu granible, apruz de branu a seronda, de normal en pequeños grupos. L'epítetu específicu, fellea, significa "amargosa, hiel".
Descripción La so cogorda, o cuerpu granible, tien un sombreru d'ente 5 y 9 centímetros de diámetru, de forma convexa n'exemplares nuevos. Darréu toma forma esplanada y, finalmente, queda ablayáu nel centru, col cantu acanaláu. La cutícula ye de color mariellu payizu, y más clara nos cantos, y brillante, llisa y fácilmente xebrable. Les llámines son delgaes, apertaes y xuntaes, y encrúciense cerca del pie. Son blanques n'exemplares nuevos y de color crema más tarde. El pie mide ente 1 y 2 centímetros de diámetru y ente 4 y 6 d'altor, y ye macizu y blancu, con estríes amarellentaes. La esporada ye blanca.
Referencies
Enllaces esternos
fellea Categoría:Especies descrites en 1821
Categoría:TBSpecies