Pluteus cervinus (Schäffer) P. Kumm. 1871 —o plúteo cervino— ye un fungu basidiomicetu de la familia Pluteaceae. Desenvuélvese sobre madera muerta o sobre tueros de coníferes o frondosas. La so coloración y tamañu ye variable dependiendo la redolada y condiciones de crecedera. El so cogorda, o cuerpu granible, ye comestible, pero non bien apreciáu. El so epítetu específicu, cervinus, significa "paecencia al venáu". El basónimu d'esta especie ye Agaricus cervinus Schaeff. 1774.
Descripción Produz cogordes pocu carnoses, que'l so sombreru puede midir hasta 12 centímetros de diámetru. Presenta un color variable ente marrón escuro y marrón amarellentao o gris, con fibrillas radiales. N'exemplares nuevos, esti sombreru tien forma acampanada. Más tarde estiéndese, alquiriendo una forma planu-convexa con un mamelón central. Les llámines son llibres, bien tupies y ventrudes, de color blancu de primeres, van volviéndose daqué rosadas más tarde y color carne a la vieyera. El pie, de color claru, mide unos 15 centímetros de llargor y ente 1 y 2 de diámetru. Na so superficie presenta unes fibres llonxitudinales bien delgaes, de color pardu o amarellentáu. La esporada ye rosada y la so carne ye blanca, nidia y blanda, de golor empalagoso.
Referencies
Categoría:Pluteaceae
Categoría:TBSpecies