250px|left|thumb|Copenḥague. La economía de Dinamarca depende de la importación de materies primes de mercaos foranos. Dientro de la Xunión Europea, Dinamarca aboga por una política comercial lliberal. El so nivel de vida ye ún de los más altos del mundu y destina un 1% del PIB a l'ayuda estranxera. Dinamarca ye autu abondu n'enerxía. Esporta principalmente maquinaria, preseos y productos alimenticios.
Dende 1982, un gobiernu de centru derecha empezó a correxir la fuerte presión fiscal, la inflación y el déficit de la balanza de pagos, pero perdió'l poder en 1993 cola arribada al gobiernu d'una coalición socialdemócrata liderada por Poul Nyrup Rasmussen, que gobernó hasta 1998. El gobiernu de Rasmussen consiguió retayar la tasa de desemplegu del 12,4% (1993-xineru de 1994: 13,8%, o 386 186 persones) hasta'l 7%. La crecedera añal actual ye del 2-3%. En payares de 2001 ganó les eleiciones un nuevu gobiernu de centru derecha que caltuvo la tasa d'impuestos y amontáu la eficacia l'alministración.
Los daneses tán arguyosos pol altu nivel de desenvolvimientu alcanzáu nes sos polítiques de sanidá pública, que garanticen a tolos daneses atención sanitaria. Sicasí, nos postreros 20 años el sistema empezó a amosar problemes. El sistema d'asistencia sanitaria y el d'atención a les persones mayores son los que presenten más problemes y la necesidá de reformalos empieza a ser aldericada. Más d'una cuarta parte de la población danesa trabaya nel sector públicu.
Referencies