250px|left|thumb|Mercáu caleyeru en Praia. Cabu Verde sufre cola escasez de recursos naturales, inclusive agua, agravada poles seques enllargaes y pol suelu probe en delles islles. La so economía ta empobinada escontra los servicios, y el comerciu, el tresporte, el turismu y los servicios públicos representen cerca de 3/4 del so PIB. A pesar de que casi'l 70% de la población vive na zona rural, l'agricultura y la ganadería tán pocu desenvueltes y tienen una pequeña participación nel PIB. Cerca del 82% de los alimentos tienen qu'importase. El potencial de la pesca, principalmente llagosta y atún nun ta dafechu esploráu.
El país tien añalmente un gran déficit comercial, financiáu pola ayuda internacional y polos munchos emigrantes espardíos pel mundu, que contribúin con remisiones financieres que complementen el PIB en más del 20%. El turismu ye otra fonte d'ingresos importante, contribuyendo con más del 10% de los 820 millones d'euros del PIB de Cabu Verde l'añu de 2005.INE 2005
A pesar de la escasez de recursos, una eficiente xestión de la economía produció una meyora de los ingresos del país. Reformes económiques siguíes aguiyaron el sector privao y atraío inversión estranxera pa diversificar la economía. Les perspeutives futures dependen descomanadamente del caltenimientu de los fluxos d'ayuda, del estímulu al turismu, a la remisiones de los emigrantes y al resultáu de los programes de desenvolvimientu del gobiernu. El país fixo miembru de la Organización Mundial del Comerciu en xunetu de 2008.
Referencies
Cabu Verde Categoría:Cabu Verde