Aporia crataegi ye una especie d'inseutu lepidópteru de la familia Pieridae. (Linnaeus, 1758). Aporia crataegui Aporia crataegui Matt Rowlings Asturnatura
Descripción El so aspeutu xeneral ye inconfundible, amosando una mancha discoidal de pequeñu tamañu sobre un fondu totalmente blancu, según venes de color negru nel machu y pardes na fema. El cuerpu ye de color gris escuru con antenes en forma de bastoninos. Les sos ales son arredondiaes y tienen un valumbu d'ente 6 y 8 cm, lo que la convierte na especie de mayor tamañu de la so familia. Les femes suelen ser llixeramente de mayor tamañu y presenten nes ales árees tresparentes. Les gates son grises y peludas, con una llinia de color negru sobre l'envés y manches coloraes.
Subespecie Aporia crataegi augusta, (Turati, 1905) Aporia crataegi hyalina Röber, 1907 Aporia crataegi rhodinea Hofmann & Eckweiler, 2001 Aporia crataegi rotunda Eitschberger & Reissinger, 1971 Aporia crataegi transitoria Lempke, 1974 Aporia crataegi zabulensis de Freina, 1974
Distribución Ta llargamente distribuyida, atopándose nel norte d'África, Oriente Mediu y el restu d'Asia ente 40 y 70° N hasta Xapón. N'Europa ta presente na mayor parte del continente, faltando en gran parte de Noruega y Suecia, islles del Atlánticu, islles Baleares, Córcega, Cerdeña, Creta y otres islles del Exéu, según nes islles Britániques, llugar esti postreru onde s'atopa escastada.
Comportamientu miniaturadeimagen|Gata
Fase larvaria Les gates arrexúntense pa envernar, construyendo un nial conxuntu. Tres la envernía aliméntense en pequeños grupos o por separáu. La pupa suxetase colgando de les fueyes, o en tarmos de gramínees.
Periodu de vuelu Una sola xeneración (univoltina). Nel sur d'Europa dende mediaos d'abril a xunu y nel norte d'Europa dende finales de mayu a principios de xunetu, anque depende de l'altitú, temporada y llocalidá. (Voltinismu).
Alimentación La so alimentación ye distinta a la d'otres especies asemeyaes. Aliméntase d'árboles frutales y espinos, como la cirolar (Prunus domestica), zrezal (Prunus avium), pescal (Prunus persica), almendral (Prunus amygdalus) y otros como'l majuelo (Crataegus monogyna), la peral (Pyrus communis) y el pumar (Malus domestica).
Referencies
Enllaces esternos
Crataegi Categoría:Inseutos d'Europa Categoría:Inseutos