Alfhild Teresia Agrell foi una escritora y dramaturga sueca. Ye conocida polos sos trabayos sobre la igualdá sexual, en contraposición al doble moral sexual contemporánea, y por tal, parte del famosu Sedlighetsdebatten.
Vida izquierda|miniaturadeimagen|200x200px|Alfhild Agrell con 16 años. Foi fía de Erik Johan Martin y Karolina Margareta Adolphson. Dende 1868 hasta que 1895 tuvo casada con Albert Agrell.
Alfhild Agrell emplegó mientres un tiempu los seudónimos Thyra, Lovisa Petterqvist y Stig Stigson, pero llueu empezó a utilizar el so nome real, lo cual yera inusual pa una muyer. Por casu, otres dramaturgues sueques famoses del mesmu sieglu, como les hermanes Louise y Jeanette Granberg, usaben seudónimos masculinos. La tema nel que se centró, el doble moral sexual, yera bien escandalosu pa la so dómina.
Alfhild Agrell foi una collaboradora importante a la causa de la igualdá de xéneru al respective de la sexualidá. Nes sos obres remana les cuestiones y consecuencies de la inxusticia sexual o'l doble moral sexual (como'l fechu de qu'una muyer tea sometida al despreciu cuando ella fai lo mesmo qu'un home los asuntos sexuales); les cuestiones de tener una "mala reputación" y de la culpa impuesta na muyer y non nel home cuando un neñu nacía fuera del matrimoniu; y les dificultaes qu'esistíen cuando una muyer de clase baxa y un home de clase alta namorábense, y les consecuencies de tal rellación.
Agrell amosábase pesimista al respective de la esperanza de que dalgún día muyeres y homes llograren la igualdá sexual, y duldaba qu'una muyer pudiera atopar tal cosa nel matrimoniu, onde ella por llei atopábase bien acutada y supeditada a los caprichos del so home.
Obres Räddad, ("Salvada"), 1883, obra teatral Dömd, ("Xulgada"),1884, obra teatral Ensam, ("Sola"), 1886, obra teatral Vår, ("Primavera"), 1889, obra teatral Ingrid, 1900, obra teatral Småstadsliv, ("Vida de pueblu"), 1884 Från land och stad, ("Del campu a la ciudá"), 1884, coleición de noveles. På landsbygden, ("Nel campu"), 1887 Norrlandsgubbar och Norrlandsgummor, ("Vieyes y vieyos en Norrland"), 1899-1900 Vad ingen ser,, ("Lo que naide ve"), 1885 I Estocolmo, ("N'Estocolmu"), 1893 Hemma i Jockmock, ("En casa, en Jockmock"), 1896 Nordanifrån, ("Dende'l norte"),1898 Guds drömmare, ("Visionaria de Dios"),1904 Norrlandshumör, ("Temperamentu de Norrland"),1910
Referencies
Carin Österberg: Svenska kvinnor: Föregångare, pionjärer (Muyeres sueques: predecesores, pioneres) 1990 (En suecu)
Enllaces esternos Obres de Alfhild Agrell nel Proyeutu Gutenberg.
Categoría:Feministes de Suecia Categoría:Escritores en suecu