Dorothy Mary Crowfoot Hodgkin foi una química y profesora universitaria inglesa gallardoniada col Premiu Nobel de Química del añu 1964.
Investigaciones científiques Hodgkin foi pionera na téunica de determinación d'estructures de sustancies d'interés bioquímicu por aciu rayos X.
Fixo de la insulina el so proyeutu d'investigación primaria, empecipiando les sos investigaciones en 1934 cuando Robert Robinson ufiertó-y una muestra pequeña d'insulina cristalina. La difracción de rayos X na década de 1930 inda nun taba abondo desenvuelta, polo que decidió ameyorar la téunica cristalográfica, y consiguió determinar la estructura tridimensional de les siguientes biomolécules:
colesterol en 1937 penicilina en 1945 vitamina B12 en 1954 suprasterol en 1961 insulina en 1969 según la de la lactoglobulina, ferritina y el virus del mosaicu del tabacu.
Darréu, Hodgkin y los sos collaboradores emponer al calciferol o vitamina D2, según al antibióticu gramicidina.
En 1964 foi honrada col Premiu Nobel de Química pola determinación de la estructura de munches sustancies biolóxiques por aciu los rayos X, colo que se convirtió na tercer muyer en consiguir esti gallardón dempués de Marie Curie y Irène Joliot-Curie.
Activismu social Interesada nel intercambiu intelectual ente científicos y esmolecida polos problemes que la ciencia causaba a la población, ente 1976 y 1988 foi presidenta de les Conferencies Pugwash de Ciencia y Asuntos Mundiales. Amás foi gallardoniada col Premiu Lenin pola Paz concedíu pol Gobiernu Soviéticu en 1985-1986.
Referencies
Enllaces esternos
Páxina web del Institutu Nobel, Premiu Nobel de Química 1964 (n'inglés) Autobiografía de premiu Nobel: Hodgkin (n'inglés)
Categoría:Persones d'El Cairu Categoría:Científicos y científiques del Reinu Xuníu Categoría:Bioquímicos y bioquímiques del Reinu Xuníu Categoría:Químicos y químiques d'Inglaterra Categoría:Biólogos y biólogues d'Inglaterra Categoría:Cristalógrafos y cristalógrafes Categoría:Marxistes del Reinu Xuníu Categoría:Premiu Nobel del Reinu Xuníu Categoría:Premiu Nobel de Química Categoría:Medaya Real Categoría:Medaya Copley Categoría:Medaya Lomonósov Categoría:Miembros de la Royal Society Categoría:Premiu Lenin de la Paz