Una hemorraxa ye la salida de sangrehttps://medlineplus.gov/spanish/bleeding.html dende'l aparatu circulatoriu, provocada pola frañadura de vasos sanguíneos como venes, arteries o capilares. Ye una mancadura que desencadena una perda de sangre, de calter internu o esternu, y dependiendo del so volume pue aniciar diversos entueyos (anemia, choque hipovolémicu, etc.).
Clasificación Los distintos tipos d'hemorraxes clasifíquense según el so orixe anatómicu, el tipu de vasu sanguineu afeutáu, o la causa que la anició.
Según el so orixe Hemorraxa interna:Hemorraxa interna Ye la rotura de dalgún vasu sanguineu nel interior del cuerpu. Hemorraxa esterna:Hemorraxa esterna Ye la hemorraxa producida por rotura de vasos sanguíneos al traviés de la piel, esta mena d'hemorraxes ye producida frecuentemente por firíes abiertes. Hemorraxa esteriorizada:Hemorraxa esteriorizada al traviés de furos naturales del cuerpu, como la boca devolviendu (hematemesis) o tusiendo (hemoptisis), la ñariz (epistaxis), cualesquier parte del aparatu dixestivu (hemorraxa gastrointestinal), el rectu (rectorraxa), la natura (metrorraxa), la uretra (hematuria), l'oyíu (otorraxa), y el güeyu (hiposfagma).
Según el tipu de vasu sanguineu rotu thumb|Hemorraxa nun güeyu. Hemorraxa capilar: Ye la más frecuente y la menos grave, pos los capilares sanguíneos son los vasos más abondosos y que menos presión de sangre tienen. El sangre flúi en sábana: nun pue visualizase vasos sangrantes. Hemorraxa venosa: El sangráu vien de dalguna vena mancada y el sangre sal de mou continuu, pero ensin fuercia: ye de color coloráu escuru. Hemorraxa arterial: Ye la más grave si nun se trata a tiempu puede llegar a la muerte. El sangráu vien de dalguna arteria mancada y el sangre sal en forma de remexu intermitente: ye de color coloráu resplandiosu.
Según la so etioloxía Según la causa que la provoque, pue ser por: rexis: solución de continuidá o frayatu d'un vasu (mancadura per arma blanca por casu, refierse a dañu intencional). diéresis: mancadura por incisión quirúrxica o accidental. diabrosis: escomiu de la paré vascular con cantos mal definíos. diapédesis: aumentu de la permeabilidá de los vasos ensin perder la so integridá anatómica cola consiguiente salida d'elementos formes.
Consecuencies thumb|Hemorraxa capilar. Cuando'l sangráu ye importante ya implica una perda de volume de sangre que s'avera al 70%, suel asoceder un "choque hipovolémicu". La gravedá d'una hemorraxa depende de: La velocidá con que se pierde'l sangre. El volume de sangre perdío. Edá de la persona.
Tratamientu La principal midida a facer énte una hemorraxa esterna ye la presión direuta pa cohibir el sangráu, con posterior vendaxe y desinfeición de la firida. L'emplegu de torniquetes tien de tar acutáu a hemorraxes masives, pol riesgu de necrosis del miembru sangrante. La perda d'un volume cuantiosu de sangre súplese con tresfusión de sangre.
Ver tamién Cuayamientu Hemofilia Firida Sangráu dixestivu baxu
Referencies
Enllaces esternos
https://web.archive.org/web/20160705051249/https://www.nlm.nih.gov/medlineplus/spanish/ency/article/000045.htm http://www.ambitoweb.com/servicios/salud/manual12.asp http://escuela.med.puc.cl/publ/patologiageneral/Patol_049.html http://www.salud.bioetica.org/shock.htm http://www.ctv.es/USERS/sos/aparcirc.htm#ppaashhi
Categoría:Signos clínicos Categoría:terminoloxía médica