Za Dengel foi emperador d'Etiopía (conocíu como Asnaf Sagad II) (1603 - 1604), miembru de la Dinastía Solomónida. Foi fíu de Lesana Krestos, l'hermanu de Sarsa Dengel.
Foi nomáu emperador por Ras Za Sellase. Col tiempu Za Dengel convidó al xesuita Pedro Páez a la so corte en Dankaz, y ésti persuadiólu n'abrazar el catolicismu.
Esta conversión relixosa conduxo a Za Sellase non solamente a retira-y el so sofitu, sinón a trabayar viviegamente escontra él y a promover una rebelión en Gojjam. Za Dengel coló a la llanura de Bartcho pa frenar ésta rebelión, pero a pesar de l'ayuda de 200 mosqueteros portugueses, Za Dengel finó en batalla'l 24 d'ochobre de 1604.
Referencies
E. A. Wallis Budge. A History of Ethiopia: Nubia and Abyssinia, 1928. Oosterhout, the Netherlands: Anthropological Publications, 1970. La sección sobre Za Dengel y el so primu Yaqob páxs. 375-383.
Categoría:Emperadores d'Etiopía Categoría:Dinastía Salomónica Categoría:Reis y reines Categoría:Wikipedia:Mantenimientu:Persones ensin plantía nym