Un enclave ye un territoriu, o parte d'un territoriu, que ta arrodiáu dafechu pel territoriu d'otru estáu. Les agües territoriales tienen los mesmos atributos de soberanía que'l territoriu; poro, pueden esistir tamién enclaves dientro de les agües territorialesMelamid, Alexander, Enclaves and Exclaves. International Encyclopedia of the Social Sciences, vol. 5. The Macmillan Company & Free Press, 1968.. Un exclave ye una parte d'un estáu o un territoriu que ta xeográficamente separtáu del territoriu principal del mesmu por territorios d'otru o otros estaosExclave. Webster's Encyclopedic Unabridged Dictionary of the English Language, 1989, p. 497. Munchos exclaves son, al tiempu, enclaves. El términu enclave ye, delles vegaes, usáu incorreutamente pa dicir qu'un territoriu ta parcialmente rodiáu per otru estáu. La Ciudá del Vaticanu y San Marín, enclavaos por Italia, y Lesotho, enclaváu pola República Sudafricana, son los únicos estaos enclavaos del mundu. A diferencia d'un enclave, un exclave puede tar arrodiáu per territoriu de varios estaosRozhkov-Yuryevsky, Yuri. The concepts of enclave and exclave and their use in the political and geographical characteristic of the Kaliningrad region. 2013, Baltic Region (2): 113–123. doi:10.5922/2079-8555-2013-2-11. L'exclave azerbaixanu de Naxçıvan ye un exemplu d'exclave.
Los semienclaves y semiexclaves son rexones que, de nun ser porque tienen una llende marina non arrodiada por territorios de dengún otru país, seríen enclaves o exclavesVinokurov, Evgeny. The Theory of Enclaves. Lexington Books, Lanham (Maryland), 2007, p. 12-14.. Los enclaves, como los citaos nel párrafu anterior, y los semienclaves, como Mónacu, Gambia y Brunéi, pueden esistir como estaos independientes, mentantu que los exclaves siempre son namái una parte d'un estáu soberanuRozhkov-Yuryevsky, Yuri. The concepts of enclave and exclave and their use in the political and geographical characteristic of the Kaliningrad region. 2013, Baltic Region (2): 113–123. doi:10.5922/2079-8555-2013-2-11..
Un penienclave ye una parte del territoriu d'un país a la que namái puede aportarse -especialmente per carretera o ferrocarril- atravesando'l territoriu d'otru estáu. Los penienclaves reciben tamién los nomes d'enclaves funcionales o enclaves práuticosVinokurov, Evgeny. The Theory of Enclaves. Lexington Books, Lanham (Maryland), 2007, p. 31.. Pueden ser completamente terrestres, cuando los montes que lu arrodien faen el territoriu inaccesible dende'l restu del país de nun ser que s'aporte a elli al traviés del territoriu d'otru (como asocede en Kleinwalsertar, un valle austriacu accesible namái dende territoriu alemán), o tener una fastera costera, d'agües territoriales propies, pero con accesu rodáu namái dende otru país (Points Roberts (Washington), nos Estaos Xuníos pero con accesu rodáu dende Canadá).
Galería
Referencies
Categoría:Xeografía