thumb|400px|Europa central na Edá Media (Neustria bordiada en naranxa) thumb|250px|Neustria (752). Neustria o Neustrasia (que significa «nueva tierra [occidental]», en contraposición a Austrasia) foi un reinu de la dómina merovinxa.
A la muerte de Clodoveo I (Clovis, en francés) el Grande, rei de los francos (511), ésti estremó'l Regnum Francorum ente los sos fíos: a Clotario I el Viejo dio-y Neustria y el sur d'Aquitania, con capital en Soissons; a Teodorico I tocólu Austrasia y Auvernia (Aquitania oriental), con capital en Reims; a Clodomiro correspondió-y les tierres del Loira (el norte d'Aquitania), con capital en Orléans; y a Childeberto I dio-y l'Armórica ente Bretaña y el Somme, con capital en París.
El territoriu de Neustria entendía la rexón noroeste de l'actual Francia y la so capital yera Soissons.
Sicasí, el términu Neustria solo paez surdir un sieglu dempués. El trunfu de Clotario II en 613 foi'l trunfu de Neustria, a la cual amestóse l'Aquitania. Pero tres la muerte de Clotario III, Neustria foi sometida a un rei impuestu por Austrasia, y de esa manera Aquitania pasó a ser independiente en 670. Ebroín fixo l'intentu de volver dar a Neustria l'estatutu de reinu independiente, pero duró poco tiempu, pos foi vencíu por Pipino, duque de Austrasia, en 687 en Tertry, aldega de Picardía asitiada 13 km al sur de Péronne. A partir d'entós, Neustria pasó a ser un estáu vasallu de Austrasia, dirixíu pola casa de Héristal. Sicasí, la distinción ente Neustria, Austrasia o Borgoña subsistió, anque tendiendo a perdese. Asina, tres el tratáu de Verdún de 843, el nome de Neustria designaba apenes l'oeste de la Baxa Neustria. Finalmente una parte del so territoriu foi vencida al normandu Rollón en 912 pa constituyir el futuru ducáu de Normandía (en francés, Normandie, orixinalmente Northmannie). Ye alredor de esa dómina que'l términu Neustria empieza a sumir en beneficiu de los principaos emerxentes de la rexón: el condáu d'Anjou, el condáu de Maine, y los ducaos de Blois y Orleans.
Reis de Neustria 511-561 Clotario I el Viejo 561-584 Chilperico I 584-629 Clotario II el Mozu 629-639 Dagoberto I el bon rei Dagoberto 639-657 Clodoveo II 657-673 Clotario III 673-673 Teoderico III 673-675 Childerico II 675-691 Teoderico III (2ª vegada) 691-695 Clodoveo IV 695-711 Childeberto III 711-715 Dagoberto III 715-721 Chilperico II 721-737 Teodorico IV 737-741 Carlos Martel (interregno) 741-743 Pipino III el Curtiu 743-751 Childerico III
Referencies
Enllaces esternos
Categoría:Estaos y territorios sumíos en 737 Categoría:Historia de Francia Categoría:Reinos antiguos d'Europa Categoría:Francos