El Gran Furacu Azul (the Great Blue Hole n'inglés) ye un gran sumidoriu o "furacu azul" de la mariña de Belize. Atópase cerca del centru del petón Lighthouse, un pequeñu atolón allugáu a 100 quilómetros de la mariña continental y la Ciudá de Belize. El furacu ye de forma circular, y cuenta con más de 300 metros d'anchu y 123 metros de fondura. Cuando acabó la glaciación, o última Edá de Xelu, fai 12.000 años, el nivel del mar xubió, los covarones anubriéronse, la cubierta derrumbóse y formóse esta torca qu'apasiona a los buceadores porque alluga munches especies de pexes, esponxes y corales. Créese que ye'l fenómenu más grande del mundu nel so xéneru. El Gran Furacu Azul ye parte del Sistema de Reserves de la Barrera del Petón de Belize, Patrimoniu de la Humanidá de la Unesco.
Esploración thumb|right|Petón Lighthouse vistu dende l'espaciu.
Esti sitiu fíxose famosu por Jacques-Yves Cousteau, quien realizó una primer inmersión en 1960 y declaró esti llugar como unu de los diez meyores sitios de bucéu nel mundu. En 1971, Cousteau llevó'l so barcu, el Calypso, al furacu pa trazar les sos fondures. Les investigaciones d'esta espedición confirmaron l'orixe del furacu como típiques formaciones de piedra caliar cárstica, constituyíes antes de la elevación del nivel del mar en siquier cuatro etapes, dexando salientes con fondures de 21, 49 y 91 metros. Les estalactites fueron recuperaes de cueves somorguiaes, confirmando la so formación previa sobre'l nivel del mar. Dalgunes d'estes estalactites atópense fuera de la vertical de 10°-13°, nuna orientación coherente, lo qu'indica que tamién hubo dalgún movimientu xeolóxicu y un enclín de la plataforma subxacente, siguíu por un llargu periodu nel planu actual.
Turismu Esti ye un llugar popular ente los buzos recreativos, que son atraíos pola oportunidá de buciar n'agües cristalines y atopase con delles especies de pexes, qu'inclúin los xigantes. Podemos atopar delles especies de tiburones como los nodriza, el tiburón de petón del Caribe y el tiburón de punta negra. Viéronse otres especies de tiburones, como'l tiburón toru y tiburón cabeza de martiellu, pero los avistamientos nun son frecuentes. Polo xeneral, los viaxes de bucéu al gran furacu azul son escursiones d'un día completu, qu'inclúi somorguiase nel furacu azul y otros dos somorguiaes nos petones cercanos. Cueves de formación similar, como la del gran furacu azul, son bien conocíes nes mariñes de Belize, y na península de Yucatán, onde se conocen como "cenotes".
Referencies
Enllaces esternos
El gran furacu azul de Belize Los 7 fuexos terrestres más impresionantes
Categoría:Pozos y torques Categoría:Cueves marines Categoría:Xeografía de Belize Categoría:Accidentes xeográficos del mar Caribe Categoría:Petones de Belize