Sonic Mania ye un videoxuegu de plataformes en 2D desenvueltu por Christian Whitehead, Headcannon y PagodaWest Games, supervisáu por Sonic Team y publicáu por Sega para Nintendo Switch, PlayStation 4, Xbox One y Microsoft Windows. Foi anunciáu na conmemoración del ventenu quintu aniversariu de la franquicia, y foi llanzáu n'agostu de 2017 a nivel mundial. El videoxuegu describe les aventures de Sonic, Tails y Knuckles, quien tendrán de ganar una vegada más al Dr. Eggman y los sos nuevos robots, los Hard-Boiled Heavies.
El desenvolvimientu foi dirixíu pol programador Christian Whitehead, quien yá trabayara primero n'adaptaciones de los videoxuegos clásicos de Sonic. L'arte, diseñu de niveles, audiu y programación adicional fueron provistos polos estudios independientes PagodaWest Games y Headcannon, escoyíos pol so trabayu na comunidá de fangames de Sonic La crítica emponderó'l so diseñu de niveles, banda sonora, presentación y la so fidelidá a los primeros xuegos de Sonic the Hedgehog; gran parte d'ella tomándolo como un regresu exemplar pa la saga ante la mala acoyida de dalgunos de los sos xuegos llanzaos dempués de los noventa.
Argumentu El xuegu toma llugar tres los eventos de Sonic the Hedgehog 3 & Knuckles. Sonic y Tails reciben un avisu d'una estraña enerxía proveniente de Angel Island, polo que se monten nel Tornáu pa dir en busca de la fonte de dicha señal. Sicasí, el Dr. Eggman unvia a un grupu de robots d'élite, los Hard-Boiled Heavies, p'algamar la señal primero que Sonic y Tails. Los robots escaven la fonte d'enerxía, que ye una misteriosa xema llamada «Rubí Pantasma», lo que-yos da a los robots poderes especiales.
Más tarde, Sonic y los sos aliaos afayen que Eggman usó'l poder del Rubí Pantasma pa retomar el control de Little Planet, de Sonic CD. Al llegar a la fortaleza robótica de Eggman, gánen-y xunto al so robots y llogren escapar primero que esta fortaleza esplote. Si les 7 esmeraldes del caos son llograes mientres se xuega como Sonic, el Heavy King traiciona a Eggman y toma el rubí, adquiriendo'l so poder. Depués, Eggman ataca al Heavy King pa recuperala. Sonic usa les esmeraldes del caos pa convertise en Super Sonic y poder ganar a Eggman y al Heavy King. Dempués de la batalla, el Rubí Pantasma crea un portal qu'encloya a Sonic y al rubí, a la de que Little Planet sume.
Manera de xuegu Sonic Mania sigue l'estilu de plataformes de los primeros xuegos de Sonic llanzaos pa la MegaDrive. Los xugadores pueden escoyer unu de los 3 personaxes jugables, cada unu coles sos habilidaes úniques. Como en Sonic the Hedgehog 2, el xugador puede utilizar a Sonic y Tails simultáneamente o un segundu xugador puede controlar a Tails. El videoxuegu contién carauterístiques desbloqueables que dexen modificar la xugabilidá, incluyendo la opción d'usar les habilidaes de Sonic CD y Sonic the Hedgehog 3 en llugar de la caida torbolín, y la manera «& Knuckles», que dexa controlar simultáneamente a cualquier personaxe xunto a Knuckles.
Los aniellos xigantes escondíos en cada actu, una carauterística de los xuegos orixinales, lleven al personaxe a una fase especial en pseudo 3D, similar a les de Sonic CD. Nestes fases, los xugadores tienen de tornar torgues y coleccionar esferes azules p'amontar la so velocidá, lo que dexa escorrer a un ovni que lleva una esmeralda del caos; coleccionando los siete esmeraldes del caos dexa a los xugadores usar la super tresformamientu del personaxe y desbloquiar el final verdaderu del videoxuegu. El contador de rings del xugador escai mientres la fase especial y tien de ser de cutio enllenáu. Si'l xugador quedar ensin rings primero que pueda prindar al ovni, la fase especial termina. Les fases especiales de Sonic the Hedgehog 3 tornen, esta vegada como fases de bonificación. P'aportar a estes fases, el personaxe tien d'entrar al portal qu'apaez cuando pasa por un puntu de control mientres lleve 25 o más rings. Completar estes fases de bonificación premia al xugador con una medaya de plata o oru, dependiendo del so desempeñu; coleccionar medayes desbloquia carauterístiques como una manera «debug» y un test de soníu. Na manera contrarreló, los xugadores tienen de completar los niveles tan rápido como sía posible, colos meyores tiempos incluyíos nuna tabla de clasificación en llinia; los xugadores pueden reiniciar un nivel instantáneamente ya intentalo de nuevu en cualquier momentu. Una manera multixugador de pantalla estremada dexa a 2 xugadores realizar una carrera hasta'l final del nivel, similar al mesma manera de Sonic the Hedgehog 2. Los xugadores tamién pueden desbloquiar la manera «Mean Bean», un minixuegu de 2 xugadores basáu nel videoxuegu Dr. Robotnik's Mean Bean Machine de 1993.
Niveles Sonic Mania toma llugar al traviés de 12 niveles, llamaos zones; el videoxuegu consta de 8 zones «reimaginadas» provenientes de xuegos anteriores, como Green Hill Zone de Sonic the Hedgehog, xunto a 4 zones orixinales. Cada zona ta estremada en 2 actos, nos cualos el xugador tien d'emponer al personaxe por dellos enemigos y torgues p'algamar el final del nivel. A la fin de cada actu, el xugador va entrar nuna batalla contra'l xefe de la zona, que puede ser Dr. Eggman o unu de los Hard-Boiled Heavies, robots d'élite basaos nos Eggrobo de Sonic & Knuckles. Similar a esti xuegu, la hestoria ye rellatada al traviés de pequeñes cinemátiques a la fin de cada actu. Partíes nos actos tán los «rings», oxetos en forma d'aniellos doraos, que sirven como una forma de salú del personaxe; los xugadores pueden sobrevivir al dañu mientres tengan siquier un ring, pero los sos rings van esvalixase y van sumir al cabu de dellos segundos. Tamién esisten les caxes d'oxetos que tán partíes polos actos; pueden contener rings, escudos elementales o poderes especiales como invincibilidad y super velocidá.
Zones Clásiques (Reimaginadas) Green Hill Zone Procedente de Sonic the Hedgehog.
Un paraísu con campos verdes y llagos azules allugáu en South Island. La so apariencia ye paecida tal como nel so xuegu orixinal, pero mientres el xugador avanza, van apaecer elementos nuevos, como los pasadizos n'espiral de Emerald Hill de Sonic the Hedgehog 2. Al pie de Studiopolis Zone, el 22 de xunu de 2016 foi la primer zona presentada públicamente, como anunciu orixinal del propiu xuegu.
Xefes:
Actu 1: Versión reciclada del xefe orixinal con dos mini-Death Eggs, llamáu DD Wrecker.
Actu 2: El Dr. Eggman atacando nuna versión actualizada de la so Death Egg Robot de Sonic 2..
Chemical Plant Zone Procedente de Sonic the Hedgehog 2.
Allugada en West Side Island, esta zona se ambienta nun paisaxe urbano, industrial y químicu. Tien remexos que disparen boles azules indestruyibles al igual que nel so xuegu d'orixe, pero esta vegada añade piscines xelatinoses que faen rebotar al personaxe. Foi revelada'l 8 de xunetu de 2017.
Xefes:
Actu 1: Versión reciclada d'un xefe de la zona Ice Cap de Sonic 3, llamáu Amoeba Droid.
Actu 2: Una partida na Mean Bean Machine d'Eggman basada en Puyo Puyo.
Flying Battery Zone Procedente de Sonic & Knuckles.
Ye una xigantesca fortaleza dirixible creada por Eggman pa fabricar les cáusules contenedoras d'animales. Na so versión anovada, los actos espándense, presentando les árees esteriores de la fortaleza. Foi revelada'l 16 de marzu de 2017 nel eventu South by Southwest xunto a la presentación de Knuckles.
Xefe Actu 1: Un electroimán que recueye partes de robot destruyíos pa lanzarzelos al xugador. Cada vez que se -y pege al xefe, l'escenariu se roxura encojiendo
Xefe Actu 2: Batalla con Eggman. Nesta batalla eggman usa un robot d'escarabayu'l cual rebota cada vez que se-y pega bien enriba. Pa poder vencelo hai que mandalo rebotando a los escayos
Stardust Speedway Zone Procedente de Sonic CD
Allugáu en Little Planet, l'actu 1 se ambienta na so versión del pasáu, que presenta enredaderes y flores coloraes nuna ciudá en ruines. L'actu 2 se ambienta nel presente, con una gran rede de corredores, ambientada nuna ciudá moderna de nueche llena de preseos musicales doraos y un fondu azul brillante con lluces de neón. Foi revelada nel trailer de pre-compra dixital el 30 de mayu de 2017.
Xefe Actu 1: Robot-Luciernaga Xigante. Nesta Batalla enfrentamos a esti robot el cual te llanzara una lluz potente si nun se-y pega lo mas rapido posible
Xefe Actu 2: Metal Sonic. Nesta batalla se tendra una batalla a muerte con Metal Sonic, evitando los sos ataques rapidos.
Hydrocity Zone Procedente de Sonic The Hedgehog 3. Una ciudá perdida so les fondures de Angel Island, siendo la única zona acuática del xuegu. Tien grandes corredores d'agua a presión, danzaderes, árees anubiertes per agua, toboganes y ventiladores.
Xefe Actu 1: Dr Eggman buciando. La batalla consiste n'atrapalo 4 vegaes col Egg-o-Matic Xefe Actu 2: Dr Eggman nel revolvedor. La Batalla consiste en vencelo so l'agua con unes bombes que al pega-y nos daran burbuyes d'aire, despues vamos enfrentar evitando ser revueltos na agua o evitando los sos ataques.
Oil Ocean Zone Procedente de Sonic the Hedgehog 2.
Una vasta zona petrolífera a les cercaníes del desiertu y allugada en West Side Island El fondu tien unos edificios onde se fabrica l'aceite y petroleu, un cielu anaranxáu al atapecer y un sol encesu. Tien ascensores, resortes, aniellos con pinchos, propulsores cilíndricos y grandes estructures descendentes pal banzáu de fluyíos petrolíferos que resulten inflamables.
Xefe Actu 1: Robot con llave inglesa. Esti robot te llanzara la so llave inglesa y hara que les tapes verdes te alcen a unos mortales escayos o a un llugar seguru.
Xefe Actu 2: Dr. Eggman nun robot Octus. Nesta batalla'l Dr. Eggman jalara les plataformes dende embaxo pa intentar quitar una vida, despues saldra a la superficie pa pode-y pegar, despues te llanzara una Llanza y lazeres de les fondures.
Llava Reef Zone Procedente de Sonic & Knuckles.
Consideráu'l volcán activu de Angel Island, ye más llargu que nel xuegu orixinal. Ta compuesta por covarones soterraños, redes de mines y árees intraterrenas arrodiando grandes zones magmátiques. A partir del actu 2, la redolada camuda a un llugar más brillosu llenu de cristales y redes de mines.
Xefe Actu 1: Robot - Taladro. Un robot que convierte les roques onde atopemos en pontes y que destrúi les pontes onde teamos paraos con unes boles con picos.
Xefe Actu 2: Heavy Rider. Miembru de los Hard Boiled Heavies que fai acrobacies col so fiel compañeru un Motorbug
Xefe Actu 2 (con Knuckles): Heavy King. Líder de los Hard Boiled Heavies. El cual nesta batalla tomara'l poder de la Esmeralda Maestra pa tirar ataques poderosos per mediu del so cetru.
(Esta batalla esta inspirada na Batalla final de Knuckles contra Mecha Sonic en Sonic & Knuckles)
Metallic Madness Zone Procedente de Sonic CD.
Ye una de les bases del Dr. Eggman, allugada en Little Planet. Ta llarada de trampes mortales, como sierres, xaules con barres xiratories y cuchielles rotatories sobre ruedes. Tamién hai ruedes en movimientu que propulsan al personaxe a los llugares más altos. En delles partes, podrá interactuase col fondu del nivel y amenorgar el tamañu del personaxe.
Xefe Actu 1: Mega Platform (Xefe Final de Sonic 1)
Xefe Actu 2: Consiste n'antigües maquinas de Eggman pero de tamañu amenorgáu, que'l mesmu tirara dende'l so maquina. Tambien tirara a una Amy Doll (La cual ye una referencia a Tails Doll).
(Nesta batalla'l nuesu personaxe sera antes amenorgáu nel so tamañu pa poder enfrentar al xefe)
Zones Nueves Studiopolis Zone