Massimo Dutti ye una empresa perteneciente al grupu Inditex. Creóse l'añu 1985 en Barcelona dedicada a la fabricación de ropa pa home. En 1991 Inditex adquier el 65% de les aiciones de la empresa, pa mercala totalmente nel añu 1995. Agora la empresa diversificó la so ufierta y ufierta ropa pa muyer, personal tailoring, neñu, neña y perfumería, nesti últimu casu en collaboración cola compañía española de moda y arumes Puig.
Cunta anguaño con 765 tiendes allugaes en 74 mercaos.
L'estilu que remana ye clásicu, elegante y estudiáu; tanta ropa de diariu como formal. Ye la marca más cara del grupu Inditex, llegando a igualar precios colos sos competidores Tommy Hilfiger o Dolce & Gabbana
Tien la so sede social en Tordera (Barcelona, España) a diferencia d'Inditex que la tien n'Arteixo (La Coruña).
Tiendes
Massimo Dutti cunta con 769 tiendes distribuyíes en 74 mercaos.
Referencies
Enllaces esternos Massimo Dutti
Categoría:Tiendes de moda Categoría:Inditex