L'Autoridá Nacional del Ladín (en ladín Autoridá Nasionala del Ladín), coles sigles ANL, foi creada en 1997 y ye un órganu encargáu del estudiu de la llingua ladina o xudeoespañola, de la so proteición y del so caltenimientu. Esta institución edita dacuando la revista Aki Yerushalayim, totalmente impresa en xudeoespañol y que contién artículos d'interés pa la comunidá sefardina. En 2010, el Ministeriu de Cultura d'Israel decidió eslleir l'Autoridá Nacional del Ladín, a pesar de la oposición de dicha institución, pa integrala na Direición Xeneral pal Legáu de les Comunidaes d'Israel.
Oxetivos Los oxetivos que se marca la ANL son los siguientes: Espublizar la conocencia de la cultura xudeoespañola en toles sos formes, promoviendo d'esta forma la investigación d'esta cultura, la so enseñanza y el so espardimientu, ente otres nos medios de comunicación. Ayudar a la fundación y al robustecimiento d'instituciones actives nel campu de la cultura xudeoespañola. Promover, animar y ayudar a la escoyeta, documentación y catalogación de les ayalgues de la lliteratura xudeoespañola. Promover, animar y ayudar a la edición de llibros d'autores contemporáneos qu'escriben sobre tarrezas de la cultura xudeoespañola. Entamar y promover actividaes d'información y esclarecimiento sobre les comunidaes sefardines que fueron esterminaes na shoá y les graves consecuencies qu'esto tuvo pa la cultura xudeoespañola.
Ver tamién Idioma xudeoespañol Aki Yerushalayim Sefardinos
Referencies
Enllaces esternos Web de l'Autoridá Nacional del Ladín (n'hebréu y Ladín) so-Kultura-%D7%94%D7%A8%D7%A9%D7%95%D7%AA-%D7%94%D7%9C%D7%90%D7%95%D7%9Y%D7%99%D7%AA-%D7%9C%D7%AA%D7%A8%D7%91%D7%95%D7%AA-%D7%94%D7%9C%D7%90%D7%93%D7%99%D7%A0%D7%95/220912231268317 Páxina oficial en Facebook Web de la Revista Aki Yerushalayim (en ladín)
Ladín Categoría:Cultura d'Israel Categoría:Idioma xudeoespañol Categoría:Organizaciones fundaes en 1997 Categoría:Organizaciones sumíes en 2010