William Peter Blatty Muerre William Peter Blatty, autor de 'The Exorcist' foi un escritor y direutor de cine d'Estaos Xuníos. Autor de la novela The Exorcist y del posterior guión cinematográficu de la película del mesmu nome, ganador d'un Óscar al meyor guión adautáu en 1973.
Biografía y carrera profesional Tenía cuatro hermanos, Edward, Maurice, Mike y Alyce. Estudió colos xesuites, a quien almiraba (esto refléxase na so novela The Exorcist, onde los dos personaxes principales son xesuites).
Blatty escribió los guiones de les siguientes películes:
Solo contra'l hampa (de Frank Tashlin, 1963) A Shot in the Dark (de Blake Edwards, 1964), protagonizada por Peter Sellers. John Goldfarb, Please Come Home! (de J. Lee Thompson, 1965) Prométi-y cualquier cosa (d'Arthur Hiller, 1965) ¿Qué fixisti na guerra, papi? (de Blake Edwards, 1966) Gunn (de Blake Edwards, 1967) Güeyos verdes, rubia y peligrosa (de Hy Averback, 1969) Darling Lili (de Blake Edwards, 1970)
Empezó a escribir The Exorcist na década de 1950, en lleendo sobre un casu real de posesión satánica qu'aquexó a un mozu de 14 años de Maryland a principios de la década de 1940. Blatty quedó tan intrigado col fenómenu paranormal qu'investigó tou lo rellacionao sobre esti. Nesa dómina nun se conocía enforma, científicamente falando, alrodiu de la posesión satánica y del ritu del esconxuru. La so novela foi publicada finalmente en 1972 y convirtióse nel ésitu de la década.
Blatty foi tamién productor de la película del mesmu nome, de 1973, dirixida por William Friedkin, na que participaron Ellen Burstyn, Linda Blair, Jason Miller, Max von Sydow y Lee J. Cobb, ente otros, recibiendo un Oscar pola so obra.
Blatty escribió y dirixó The Ninth Configuration (1980) y The Exorcist III (1990), basada esta na so novela Lexón.
Muerte Morrió'l 12 de xineru de 2017 a la edá de 89 años en Bethesda, un suburbiu de Washington D. C. Blatty pasara en Washington los últimos años de la so vida y finó nun hospital cercanu a la so casa.
Premios Óscar
Añu Categoría Película Resultancia1973Meyor películaThe ExorcistNomáu1973Meyor Guión AdautáuThe ExorcistGanador
Globos d'Oru
Añu Categoría Película Resultancia1974Meyor GuiónThe ExorcistGanador
Referencies
Enllaces esternos
Categoría:Escritores d'Estaos Xuníos Categoría:Guionistes d'Estaos Xuníos Categoría:Ganadores del premiu Óscar al meyor guión adautáu Categoría:Ganadores del premiu Globu d'Oru Categoría:Direutores de cine d'Estaos Xuníos