miniaturadeimagen|Los Aniellos olímpicos, símbolu de tolos Xuegos Olímpicos. Los Xuegos Olímpicos d'Iviernu son un eventu multideportivu que se celebra cada cuatro años baxo la supervisión y alministración del Comité Olímpicu Internacional. Inclúi deportes d'iviernu tanto de xelu como de ñeve.
L'esquí de fondu, el patinaxe de velocidá, el patinaxe artísticu, el ḥoquei sobre xelu, el bobsleigh, la combinada nórdica y los saltos d'esquí formaron parte del programa olímpicu dende la so primer edición. Otros deportes como'l luge, el patinaxe de velocidá sobre pista curtia, el curling o l'esquí acrobáticu fueron incorporándose, ente que dalgunos otros como'l bandy fueron deportes d'exhibición pero nunca fueron incluyíos definitivamente nunos Xuegos.
Los I Xuegos Olímpicos d'Iviernu celebráronse na llocalidá francesa de Chamonix en 1924, anque con anterioridá'l patinaxe artísticu y el ḥoquei sobre xelu formaren parte de los xuegos de branu. Dende 1924 los xuegos celebráronse con una periodicidá de cuatro años hasta que los de 1940 nun pudieron celebrase pola Segunda Guerra Mundial. Los xuegos olímpicos d'iviernu restauráronse en Sankt Moritz en 1948. Los xuegos siguieron celebrándose cada cuatro años y coincidiendo colos xuegos de branu hasta la edición d'Albertville en 1992 cuando'l COI decidió que los xuegos de branu ya iviernu se celebraríen n'años distintos. Dende la edición de Lillehammer en 1994 los xuegos de branu y d'iviernu celébrense con dos años de diferencia.
Dende'l principiu los Xuegos sufrieron importantes cambeos. El crecimientu de la televisión como mediu de comunicación global produció l'espardimientu de los mesmos y medraron los ingresos por derechos de televisión y publicidá.
Estaos Xuníos foi'l país qu'en más ocasiones entamó los xuegos con un total de cuatro, Francia con tres ediciones y Xapón, Italia, Suiza, Noruega Austria y Canadá.
Historia
Primeres ediciones miniaturadeimagen|Viktor Gustaf Balck creador de los Xuegos Nórdicos precursores de los xuegos olímpicos d'iviernu. miniaturadeimagen|El patinaxe de velocidá ye deporte olímpico dende la primer edición de los Xuegos Olímpicos d'Iviernu en 1924. El primer eventu multideporte específicamente empobináu a deportes d'iviernu fueron los Xuegos Nórdicos, que se celebraron per primer vegada en Suecia en 1901. Los Xuegos Nórdicos fueron entamaos pol xeneral Viktor Gustaf Balck. La so segunda edición celebróse en 1903 y la tercera en 1905, fecha dende la que se celebraron cada cuatro años hasta 1926. Balck foi miembru orixinal del Comité Olímpicu Internacional y amigu personal del fundador de los xuegos olímpicos, el barón Pierre de Coubertin. Balck intentó incluyir deportes d'iviernu nel programa de los xuegos olímpicos n'especial el patinaxe artísticu. Por fin nos Xuegos Olímpicos de Londres 1908, celebráronse cuatro pruebes de patinaxe. Ulrich Salchow (10 veces campeón del mundu) y Madge Syers ganaron los títulos individuales.
Tres años dempués el conde italianu Eugenio Brunetta d'Usseaux propunxo al COI la celebración d'una selmana dedicada a los deportes d'iviernu como parte del programa olímpicu de los Xuegos Olímpicos d'Estocolmu de 1912, pero los organizadores opunxéronse alegando dos motivos: protexer la integridá de los Xuegos Nórdicos y la dificultá de convertir los deportes d'iviernu nunos xuegos de branu.Findling & Pelle (2004) p. 283 La idea d'Eugenio Brunetta volvió ganar fuercia colos preparativos de los Xuegos Olímpicos de Berlín 1916 ya inclusive se programó una selmana iverniza qu'incluyiría pruebes de patinaxe de velocidá, patinaxe artísticu, ḥoquei sobre xelu y esquí nórdicu, pero la cancelación de los xuegos por causa de la I Guerra Mundial torgólo.
Nos primeros Xuegos tres la guerra, los d'Amberes en 1920 el patinaxe artísticu volvió incluyise nel programa olímpicu, nesta ocasión xunto al ḥoquei sobre xelu. Nel Congresu del COI de 1921 decidióse que los organizadores de los Xuegos Olímpicos de París 1924 acoyeren tamién una Selmana Internacional de Deportes d'Iviernu col sofitu del COI. Esta selmana, anque a la fin fueron 11 díes, celebróse en Chamonix y convirtióse nun gran ésitu. Más de 200 deportistes de 16 países compitieron en 16 pruebes de les que namái 15 fueren muyeres, toes elles na competición de patinaxe artísticu. Los representantes de Finlandia y Noruega apoderaron les pruebes. En 1925 el COI decidió crear unos Xuegos Olímpicos d'Iviernu, siendo designaos los celebraos en Chamonix como la primer edición de los mesmos. miniaturadeimagen|Sonja Henie, convirtióse na campeona olímpica más moza de la historia hasta esi momentu al ganar l'oru en patinaxe artísticu en 1928. St. Moritz foi escoyida pol COI p'allugar los Xuegos Olímpicos d'Iviernu de 1928.Findling & Pelle (2004) páxs. 289–290 Les variables condiciones meteorolóxiques condicionaron el desarrollu de los xuegos. La ceremonia inaugural celebróse baxo una fuerte ventisca, ente que la prueba de 10 000 m de patinaxe de velocidá tuvo que ser suspendida y oficialmente aparada ensin ganador.Findling & Pelle (2004) p. 290 De la mesma forma la prueba de 50 km d'esquí de fondu disputóse baxo una temperatura de 25 °C. La meteoroloxía nun foi lo único a destacar de los xuegos; la patinadora noruega Sonja Henie convirtióse na campeona olímpica más moza de la historia al llograr l'oru en patinaxe artísticu a la edá de 15 años. Esti récor de precocidá nun foi perpasáu hasta 74 años dempués.
Los Xuegos de 1932 celebráronse per primer vegada fuera d'Europa, en concretu en Lake Placid. Participaron menos atletes que na edición anterior por cuenta de lo llargo y costoso del viaxe y a la crisis económica del momentu. Los Xuegos volvieron a vese afeutaos poles condiciones climátiques yá qu'hasta mediaos de xineru nun nevó abondo como p'asegurar la celebración de les distintes pruebes.Findling & Pelle (2004) p. 298 Sonja Henie defendió'l so títulu olímpicu. Eddie Eagan, que llograra l'oru en boxéu nos Xuegos de 1920 llogró l'oru na prueba de bobsleigh convirtiéndose nel primer y hasta'l momentu únicu deportista en llograr la medaya d'oru tanto nunos xuegos de branu como d'iviernu.
La ciudá bávara de Garmisch-Partenkirchen foi la organizadora de los Xuegos de 1936 ente los díes 6 y 16 de febreru. 1936 foi l'últimu añu en que los xuegos de branu ya iviernu celebráronse nel mesmu país.Seligmann, Davison, & McDonald (2004) p. 119. L'esquí alpín debutó nunos Xuegos. Los esquiadores de Suiza y Austria negáronse a participar en protesta pola prohibición del COI de que participaren profesores d'esquí, yá que se los consideraba profesionales.
Segunda Guerra Mundial Primeramente la ciudá xaponesa de Sapporo yera la escoyida pa la celebración de la edición de 1940 pero l'empiezu de la Segunda guerra sino-xaponesa provocó que'l COI decidiera que fuera la ciudá Suiza de St. Moritz la nueva sede. Trés meses dempués los enfrentamientos ente'l COI y el Comité organizador fixeron que los xuegos fueren daos a Garmisch-Partenkirchen que yá acoyera la edición anterior, pero finalmente en payares de 1939 y debíu al empiezu de la Segunda Guerra Mundial, cola invasión de Polonia, tantu los xuegos de branu como los d'Iviernu fueron definitivamente cancelaos. Los Xuegos de 1944 que se debíen celebrar en Cortina d'Ampezzo, Italia, tamién fueron atayaos pola continuación de la guerra.
De 1948 a 1960 El COI escoyó St. Moritz pa la celebración de los Xuegos de 1948, yá que la ciudá nun se viera afeutada pola guerra por causa de la neutralidá de Suiza na guerra bélica. Amás la mayor parte de les instalaciones utilizaes yá fueren construyíes pa los Xuegos de 1928. Un total de 28 países compitieron en Suiza, anque los deportistes d'Alemaña y Xapón nun fueron convidaos. Mientres los Xuegos produció'l robu de la bandera olímpica que s'utilizara per primer vegada nos Xuegos Olímpicos d'Amberes 1920. A nivel deportivu fueron los más competitivos de la hestoria hasta esi momentu yá qu'hasta 10 países llograron una medaya d'oru.
La ciudá noruega d'Oslu foi escoyida pa entamar la edición de 1952. El fueu olímpico foi encendíu nel llugar de nacencia del pioneru del esquí Sondre Nordheim. Los relevos de l'antorcha fueron realizaos por 94 persones toos ellos sobre esquís. El bandy, un deporte bien popular nos países nórdicos similar al ḥoquei, incluyóse como deporte d'exhibición.
Tres nun poder allugar los Xuegos Olímpicos de 1944 por causa de la guerra, Cortina d'Ampezzo, Italia, foi la escoyida pa entamar los Xuegos Olímpicos de 1956. Mientres la ceremonia d'inauguración produció la cayida del postreru relevista, Guido Caroli, lo que tuvo a puntu de provocar l'apagáu de l'antorcha. Fueron los primeros Xuegos d'Iviernu televisaos, y anque la venta de derechos televisivos nun entamaría hasta los Xuegos de Branu de Roma en 1960, esta edición sirvió p'analizar la fiabilidá de les retresmisiones deportives a gran escala.Guttman (1986) p. 135 Estos Xuegos supunxeron el debú de la Xunión Soviética, nunos Xuegos Olímpicos d'Iviernu. L'equipu soviéticu foi líder del medayeru. El COI escoyó pa entamar los Xuegos Olímpicos d'Iviernu de 1960 a la ciudá de Squaw Valley n'Estaos Xuníos. Dada la escasez d'infraestructures la ciudá viose sometida a un gran tresformamientu cola construcción de carretera, hoteles, restoranes, pontes ya instalaciones deportives como'l palaciu de xelu, la pista de patinaxe de velocidá y el trampolín de saltos. Les ceremonies d'inauguración y clausura fueron producíes por Walt Disney. Estos Xuegos fueron los primeros nos que los deportistes tuvieron a la so disposición una villa olímpica, según los primeros nos que s'utilizaron ordenadores pal control de los resultaos (cortesía de IBM). Les pruebes de bobsleigh nun se celebraron per primer y única vegada yá que'l comité organizador consideró que les instalaciones pa tal prueba yeren demasiáu costoses. Les muyeres fixeron el so debú nes pruebes de patinaxe de velocidá.
De 1964 a 1980 La ciudá tirolesa d'Innsbruck acoyó los Xuegos Olímpicos de 1964. A pesar de ser una tradicional estación d'esquí produció escasez de nieve por cuenta de les templaes condiciones climátiques que se dieron, ello obligó a movilizar al exércitu austriacu pa traer nieve d'otros llugares. La patinadora soviética Lidia Skoblikova fizo historia al llograr la medaya d'oru en toles pruebes apostaes. A lo llargo de la so carrera totalizaría 6 medayes d'oru olímpicu lo que la convierte na deportista con mayor númberu de medayes d'oru llograes en Xuegos Olímpicos d'Iviernu. Celebróse per primer vegada la competición de luge, anque'l deporte recibió una publicidá negativa cuando nuna carrera previa a los Xuegos finó un deportista.Judd (2008) p. 29.
Los Xuegos de Grenoble en 1968 fueron los primeros en retresmitise en color en tol mundu dende l'Estadiu Olímpicu de Grenoble.I.N.A.: Ceremonia de Inauguración de los Juegos Olímpicos el 6 de febreru, narrado por Léon Zitrone (francès). El francés Jean-Claude Killy convirtióse nel segundu esquiador en ganar l'oru en toles pruebes d'esquí alpín celebraes.Grenoble 1968 El comité organizador vendió los derechos televisivos por dos millones de dólares lo que supunxo una gran medría nos ingresos con al respeutive de los Xuegos de Innsbruck onde se vendieron por 936.667 dólares.Findling & Pelle (2004) p. 277 La distancia ente les distintes sedes de les pruebes obligaron a la construcción de tres villes olímpiques distintes.