Un machete ye un cuchiellu grande pero más curtiu qu'una espada. Comúnmente mide menos de 60 cm y tien namái un filu. Utilízase pa segar la yerba, cortar la caña de zucre, podar plantes y abrise pasu na selva.
Davezu, el filu ye peragudu nel terciu de cuchiella más averáu a la punta. La punta del machete sobresal llixeramente penriba'l restu de la cuchiella. El frente del machete ye curvu.
Tamién esiste otru tipu de machete col frente puntiáu y col terciu final de la cuchiella afiláu per dambos bordes. Especialmente usáu pa cortar maleza y segar yerba.
Variantes del machete
El bolu filipín ye una ferramienta perasemeyada, pero la so fueya enánchase al llegar a la punta, pa facelu más pesáu nel estremu pa cortar. Usóse como arma demientres la Revolución filipina escontra los españoles, y posteriormente foi l'arma representativa de les guerrilles na guerra filipino-americana. El golok indonesiu, con fueya más curtia y gruesa y una empuñadura básica (más efeutivu en vexetación d'arboláu). El kukri nepalés ye una fueya curva que s'usa de cutiu pa xeres asemeyaes. El panga (suaḥili) ye una variante con una fueya más ancha, que s'utiliza n'África oriental. El parang malayu, de fueya curtia y ancha (pa cortar vexetación). El charapu de los Andes Venezolanos, de fueya ancha y curva (pa tou tipu de llabores). La rula de los Andes Venezolanos y Colombianos, más llixera y flexible, úsase na fastera colombiana.
Referencies
Categoría:Armes