l'Orxa ye un conceyu de la Comunidá Valenciana, España. Asitiáu nel norte de la provincia d'Alicante, na contorna del Condáu de Cocentaina o "Comtat".
Xeografía El conceyu pertenez a la contorna del Condáu de Cocentaina, na sierra prebética valenciana, con un relieve bien accidentáu: sierra de l'Albureca (Tosal del Serrello, 764 m. d'altitú) al sur, la Solana (836 m. alt.) al norte, la Safor (1011 m. alt.) al este. El conceyu ye travesáu pel ríu Serpis. Pue llegase dende Alicante, per carretera, tomando l'A-7 pa enllazar en Muro d'Alcoi cola CV-705 y darréu la CV-701.
Llocalidaes estremeres Llenda colos conceyos de Beniarrés, Planes, la Vall de Gallinera, dientro de la provincia d'Alicante; Aielo de Rugat, Castelló de Rugat, Montitxelvo, Salem, Terrateig y Villallonga na provincia de Valencia.
Historia Los oríxenes de la población son bien remotos ya inclusive dellos investigadores quixeron ver nella una antigua ciudá romana; sicasí, estes teoríes nun fueron probaes, y anque ye de destacar la importancia de los numberosos xacimientos arqueolóxicos de la redolada y que dan idees de l'antigüedá de los pobladores de la zona.
Perteneció mientres un tiempu a Al-Azraq, al cual sometiera Xaime I d'Aragón en pactu de vasallaxe en 1254. Nel añu 1269 el rei dexaría la villa y el castiellu a Gil Garcés de Azagra. Con posterioridá pasó a manos d'Arnau de Romanina qu'en 1288 venció a la orde de los templarios. Cola desapaición de dicha orde pasó a la de Montesa.
El 13 de xunu de 1316 Fray Martín Pérez d'Oros, castellán d'Amposta, daba carta puebla a los moros de les alqueríes de L'Orxa, Benillup, Alquinencia y Benitaric, nel valle de Perputxent, a fueru de Valencia. El 14 de payares de 1334 Fray Pedro de Tous, maestru de la orde de Montesa establecía nueves condiciones de poblamientu pa les aljames musulmanes del Valle de Perputxent. Foi llugar de moriscos, xubiendo estos a un total de 60 fueros en 1602. Tres la so espulsión en 1609, foi repoblada con mallorquinos. En 1644 L'Orxa quedaba destruyida por un terremotu.
Hasta 1707 perteneció a la gobernación de Xátiva (del Xúquer), de magar esi momentu y hasta 1833 formó parte de la gobernación (correximientu) d'Alcoi.
La llegada del tren Alcoi-Gandía en 1893 supunxo una importante meyora de les sos comunicaciones.
Alministración <center> <p align="center">70px<p align="center">Eleiciones municipales del 26 de mayu de 2019 Partíu Candidatu Votos Conceyales Partíu Popular 30px|link=Partíu Popular de la Comunidá Valenciana Juan Pablo Pinar Más 207 47,26 % 4 10px 4 Tots per l'Orxa TpL Arnaldo Dueñas Crespo194 44,29 % 3 10px 1Fonte: Ministeriu del Interior (España). </div> </center>
Demografía El conceyu lleva sufriendo dende los años 1950 d'una gran baxa demográfica por causa de la emigración a Francia, Gandia y Alcoi, llegando a los 751 habitantes del censu de 2007. Según esti mesmu censu, con un 4,44% de residentes de nacionalidá estranxera.
Evolución demográfica de L'Orxa 1857 1887 1900 1910 1920 1930 1940 1950 1960 1970 1981 1991 2001 2005 2006 Población 1328 1274 1489 1391 1467 1415 1366 1356 1235 1046 1002 810 761 721 743
Economía Una fábrica de papel daba trabayu a cerca de la metá del pueblu, cerró en 2001; na actualidá, esisten dos empreses d'artes gráfiques y otra de testil; una parte de la xente mayor llogra rentes cola agricultura de secanu, olivares y almendrales.
Monumentos y llugares d'interés Castiellu de Perputxent. Declaráu Bien d'Interés Cultural. Nesta zona toparon dellos tipos de materiales: cerámica a mano lliso, dientes de focete y fragmentos de piedra negra con una cara pulida. Daten de la primer metá del segundu mileniu edC (Edá del Bronce). Canassia. Necrópolis romana. Castiellu de la Barsella. Cortil poligonal sobre un cuetu cónicu, musulmán, datáu nos sieglos XII-XIII. Ponte de L'Orxa. Tópase edificáu sobro'l ríu Serpis. Consta de 7 arcos de mediu puntu sofitaos sobre pilastres rectangulares, enllargándose nos sos estremos por aciu murios que constitúin los estribos. Diseñáu pol inxenieru d'Obres Públiques Baldomero Aracil Carbonell. La finalización de la obra dátase'l 3 de febreru de 1922. Barranc de les Foies. Atopáronse dellos xacimientos. Font dels Bassiets. Área na rodiada de L'Orxa que cunta con zona recreativa onde faer barbacoes, una fontaniella con agua fresco y amás unes cueves soterrañes nel interior del monte. Font dels Olbits. Font de la Serquera.
Fiestes Les fiestes patronales celébrense a fines de xunetu n'honor a Santa María Madalena.
Referencies
Enllaces esternos
Categoría:Llocalidaes de la provincia d'Alacant Categoría:Conceyos d'Alacant Categoría:Wikipedia:Mantenimientu:Llocalidaes d'España ensin partíu xudicial