Melgar de Arriba ye'l conceyu más septentrional de la comarca de Tierra de Campos na provincia de Valladolid, comunidá autónoma de Castiella y Llión, n'España. Ye amás el conceyu de la provincia de Valladolid más alloñáu de la capital. Ye conocida por ser una de les llocalidaes que s'ufiertó p'allugar l'almacén temporal centralizáu d'España.
Historia Ente los años 1172 y 1275 perteneció a Fernando Rodríguez de Castro "el Castellán", miembru de la Casa de Castro, quien les recibió de manes de la Corona, pos antes pertenecieren al conde Osorio Martínez, fináu na Batalla de Lobregal (1160).
Población Tien censaos 157 habitantes (INE 2018) anque la so población real varia pel hibiernu y branu respeutivamente.
Monumentos y llugares d'interés La ilesia de San Miguel contién un retablu mayor de traza gótica presidíu por una escelente talla de San Miguel Arcánxel. La ilesia de Santiago ye un edificiu mudéxar del sieglu XV, de la que namái se caltienen delles ruines y la torre del campanariu.
Mediu natural Parte del so términu municipal ta integráu dientro de la zona d'especial proteición pa les aves denomada La Nava - Campos Nortehttp://rednatura.jcyl.es/natura2000/ZEPA/ZEPA2.html perteneciente a la Rede Natura 2000.
Festividaes En mayu celebra la festividá de San Miguel, anque les sos fiestes patronales son la última selmana d'agostu por San Bartolomé. Los actos tán entamaos poles mesmes peñes en collaboración cola Comisión de Festexos y el Conceyu de la llocalidá.
Personaxes pernomaos Lesmes Franco del Corral (29 de xineru de 1829,Partida de Bautismu (Melgar de Arriba -Valladolid-, 29-01-1829). Copia certificada (1869-02-02) - Índices de descripción (Tesauro Eurovoc):Cámara Alta, Parllamentariu, Llión (Provincia), senador electu - Códigu de referencia: ES.28079.HIS-0169-06. - 6 d'abril de 1896, Sahagún, Llión) foi un políticu progresista del sieglu XIX venceyáu a Llión y especialmente a la villa de Sahagún. Sobrín del tamién políticu progresista Juan Antonio del Corral y de Mier. Eleuterio Fernández Huidobro (Montevidéu, 14 de marzu de 1942-ib., 5 d'agostu de 2016), políticu, periodista, escritor, guerrilleru y ministru uruguayu quien yera fíu d'inmigrantes naturales de Melgar de Arriba.
Ver tamién Gastronomía de la provincia de Valladolid Economía de la provincia de Valladolid
Referencies
Enllaces esternos
Categoría:Llocalidaes de la provincia de Valladolid Categoría:Conceyos de Valladolid