Villavicencio de los Caballeros ye una villa y conceyu perteneciente a la provincia de Valladolid, na comunidá autónoma de Castiella y Llión (España). Tien una superficie de 36,06 km² con una población de 255 habitantes y una densidá de 7,07 hab/km².
Historia El so primitivu asentamientu tuvo allugáu nel denomináu Tesu del Capo, un cuetu qu'apodera sobre'l ríu Valderaduey, onde se toparon restos arqueolóxicos dataos ente la Edá del Fierro y la dómina romana.
El primer señor documentáu de Villavicencio foi Miguel Fernández de Villavicencio, ricohombre de Castiella mientres el reináu d'Enrique I, y que'l so hijo García Rapa de Villavicencio participó na batalla de las Navas de Tolosa (1212).
Darréu, nel añu 1221, a Villavicencio fuéron-y daos fueros propios.
En 1712 el rei Felipe V d'España dio'l Marquesáu de Casa Villavicencio a Lorenzo de Villavicencio y Negrón.
Cola creación de les actuales provincies en 1833, Villavicencio de los Caballeros quedó encuadráu na provincia de Valladolid, dientro de Castiella la Vieya.
Monumentos Dientro de los sos monumentos destaquen la torre de la ilesia de San Pelayo, d'estilu mudéxar, y les ilesies de San Pedro y de Santa María, dambes del sieglu XVI, que caltienen un retablu de la escuela de Gaspar Becerra y Esteban Xordán y una copia de San José, de Gregorio Fernández. Otros monumentos son la casa-palaciu de los Franco y la fachada del antiguu Prioratu, que perteneció al Real Monesteriu de San Benitu de Sahagún.
Fiestes Celebra les sos fiestes patronales el 14 de setiembre n'honor del Cristu de la Gracia, y ye conocida la so festividá de la Selmana Santa, na que celebren la Tercer orde de San Francisco.
Naturaleza Parte del so términu municipal intégrase dientro de la ZEPA Penillanuras-Campos Sur y de la ZEPA Penillanuras-Campos Norte.
Demografía
Fíos pernomaos Florencio Gil Pachón, sindicalista y políticu.
Ver tamién Gastronomía de la provincia de Valladolid Historia de la provincia de Valladolid Economía de la provincia de Valladolid
Referencies
Enllaces esternos
Categoría:Llocalidaes de la provincia de Valladolid Categoría:Conceyos de Valladolid