Dietrich Mateschitz foi un empresariu austriacu d'orixe croata y multimillonariu.Dietrich Mateschitz - Noticies, semeyes, temes y cites - Daylife Yera'l cofundador y propietariu del 49% de les aiciones de Red Bull GmbH.
Vida Los padres de Mateschitz fueron dos maestros d'escuela primaria quien se dixebraron cuando él inda yera pequeñu.The Soda With Buzz. Kerry A. Dolan. Forbes. Pg. 126 Vol. 175 Non. 6. 28 de marzu de 2005. Anque nunca se casó, supuestamente tuvo un fíu. Raramente bebe alcohol y nun fuma. Ente los sos amigos atopábase Bernd Pischetsrieder, el ex xerente de Volkswagen. Tuvo una llicencia de pilotu y esfrutaba volando un Dassault Falcon 900 y un Piper Super Cub.
En completando los sos estudios na Hochschule für Welthandel (actual Wirtschaftsuniversität Wien) con un posgráu en Marketing, el primer emplegador de Mateschitz foi Unilever. Depués treslladóse a Blendax, la compañía alemana de cosméticos, pos foi mercada por Procter & Gamble, onde trabayaba, ente otres coses, nel marketing de dentífrico Blendax.Red Bull CEO takes foot off gas. La Nación (Tailandia). 26 de payares de 2001. Foi como parte d'unu de los sos viaxes per Blendax en qu'afayó la bébora que más tarde se convertiría en Red Bull. En 1984, fundó Red Bull GmbHGrabbing the drinks market by the horns. The Sunday Herald. 7 de mayu de 2000. colos sos socios tailandeses Chaleo Yoovidhya y Chalerm Yoovidhya, col llanzamientu n'Austria en 1987. Dempués, convirtió la bébora Red Bull na líder mundial del mercáu de bébores enerxétiques. Red Bull fai parte del grupu de marques comerciales d'Austria con una reputación mundial, al igual que'l grupu Swarovski de cristales, , el fabricante de motos KTM, el productor de llambionaes Manner y la compañía de llencería Palmers.
Foi propietariu de la islla Laucala, nes islles Fixi, que mercó a la familia Forbes por 7 millones de llibres esterlines.Big man drives forward energy-packed brand. Peter Klinger. The Times (London). 25 de febreru de 2006.
Dietrich morrió'l 22 d'ochobre de 2022, a los 78 años.
Deportes Mateschitz ye conocíu como un especialista en marketing. La so compañía ye famosa pola so publicidá creativa y como una patrocinadora de munchos tipos de deportes estremos. Red Bull ingresó al mundu de la Fórmula 1 nel añu 1995, texendo una estratéxica alianza publicitaria cola escudería Sauber, a partir de la cual l'equipu pasó a denominase Red Bull Sauber. Ta alianza duró hasta la temporada 2003, tres la cual y a pesar del fin d'esta sociedá, Mateschitz punxo en marcha un ambiciosu plan pa siguir dientro de la Fórmula 1. Foi asina que nel añu 2004, Mateschitz mercó l'equipu Jaguar Racing a la Ford Motor Company, convirtiendolo na escudería Red Bull Racing. Depués, a fines del 2005, Mateschitz xunió fuercies col ex piloto austriacu de la Fórmula 1 Gerhard Berger y mercó l'equipu con rexistru italianu Minardi F1 Team del australianu Paul Stoddart. El plan consistía en caltener l'equipu rexistráu na planta Minardi en Faenza, pero camudándo-y el nome a Squadra Toro Rosso. N'italianu significa "equipu Toru Coloráu", pero como la pallabra squadra rellacionábase más como un términu futbolísticu, l'equipu foi denomináu Scuderia Toro Rosso, asonsañando a la famosa xigante italiana Scuderia Ferrari.
Referencies
Enllaces esternos
Categoría:Empresarios y empresaries d'Austria Categoría:Dueños d'equipu de Fórmula 1 Categoría:Persones d'Estiria