Ignacio Martínez Navia-Osorio foi un actor asturianu.
Los primeros pasos como actor tuvieron llugar col teatru universitariu n'Uviéu. Entamó la so carrera cinematográfica como hermanu de Tasio, na película del mesmu nome dirixida por Montxo Armendáriz. Ensin embargo el papel pol que será recordáu ye'l del torero, na película, Matador, de Pedro Almodóvar, onde compartía protagonismu con un mui mozu Antonio Banderas. D'Almodovar son tamién La Ley del Deseo y Tacones Lejanos nes que Nacho tamién participaría. Tamién tendría un pequeñu papel na película de cultu del cine español El viaje a ninguna parte de Fernando Fernán Gómez. El so aspectu y la so dicción convirtiéronlu nun galán atípicu dientro del cine español, con un ciertu aire solombriegu.
Xunto a la so carrera d'actor de cine, tuvo una llarguísima trayeutoria como actor de doblaxe tanto de cine como de dibuxos animaos. Falleció como consecuencia d'un cáncer de pulmón a la corta edá de 44 años lo que cortó pola freba la so trayeutoria como actor. Nel añu 2006 foi recordáu na XX gala de los Premios Goya. El Festival Internacional de Cine de Xixón concede un Premiu Nacional de Cinematografía que lleva'l nome de Nacho Martínez, este premiu foi concedíu nel añu 2005 a l'actriz Assumpta Serna, que fuera la so compañera de repartu en Matador.
Filmografía Tasio, (1984). Hierro dulce, (1984). Extramuros, (1985). Caso cerrado, (1985). La mitad del cielo, (1986). Amarga amargura, (1986). Matador, (1986). El viaje a ninguna parte, (1986). Adiós pequeña, (1986). La Ley del Deseo, (1987). Los días del cometa, (1989). El anónimo... ¡vaya papelón!, (1990). A solas contigo, (1990). La viuda del capitán Estrada, (1991). Tacones lejanos, (1991). La fiebre del oro, (1993). Mi nombre es sombra, (1996).
Televisión Los pazos de Ulloa. El olivar de Atocha. La huella del crimen 2: El crimen de Perpignan. Los jinetes del Alba. Para Elisa. Un día volveré. Historias del otro lado.
Premiu Nacional de Cinematografía Nacho Martínez 2002, Juan Echanove. 2003, Gonzalo Suárez. 2004, Eusebio Poncela. 2005, Assumpta Serna. 2006, Maribel Verdú. 2007, Marisa Paredes 2008, Mercedes Sampietro 2009, Ángela Molina 2010, Charo López 2011, Montxo Armendáriz 2012, Luis San Narciso 2013, Carmelo Gómez 2014, Imanol Arias 2015, José Sacristán 2016, Lluís Homar 2017, Verónica Forqué 2018, Juan Diego 2019, Ernesto Alterio
Referencies
Enllaces esternos
Categoría:Actores y actrices d'Asturies Categoría:Persones de Mieres Categoría:Alumnáu de la Universidá d'Uviéu