La fariña o farina d'arroz (tamién llamada mochiko en xaponés y pirinç unu en turcu) ye un tipu de fariña fecho d'arroz molío finamente.
La fariña d'arroz puede faese bien d'arroz blanco o integral. Para faer la fariña, quítase la cascariella y llógrase asina l'arroz crudo, que se muel para llograr arroz en polvu o fariña d'arroz. La fariña úsase para faer delles recetes, o s'entemez con fariña de trigu, miyu o otres ceberes para ellaborar otres. Dacuando añédense frutos secos o verdura deshidratada para apurrir sabor y más nutrientes.
Hai munchos platos que s'ellaboren con fariña d'arroz, incluyendo'l fidéu d'arroz y postres como'l mochi xaponés y el cascarón filipín.
La fariña d'arroz ye unu de los ingredientes más comúnmente emplegaos na ellaboración de los panes ensin gluten y otros productos específicos para les persones que carecen trestornos rellacionaos col gluten (tales como la enfermedá celiaca o la sensibilidá al gluten non celiaca), que tienen de siguir una dieta estricta ensin gluten. Solo ye apta cuando ta llibre de contaminación cruciada con gluten (tamién denominada "traces"). La contaminación con ceberes que contienen gluten puede asoceder mientres los distintos pasos dende la so recoyida hasta la so ellaboración, principalmente la molienda, l'almacenamientu, el procesamientu, la manipulación y el cocináu.
Referencies
Categoría:Arroz Categoría:Fariña