Anna María Birulés i Bertrán ye una política y directiva empresarial española qu'exerció de ministra de Ciencia y Teunoloxía mientres el segundu gobiernu de José María Aznar.
Biografía Oríxenes y formación Nació'l 28 de xunu de 1954 na ciudá de Girona. Birulés, que militó nel PSUC a finales de la década de 1970, estudió Ciencies Económiques na Universidá de Barcelona, ampliando darréu los sos estudios na Universidá de Berkeley de los Estaos Xuníos. Ye miembru del Círculu d'empresarios y de la xunta del Círculu d'Economía de Barcelona.
Actividá profesional Empecipió la so actividá profesional nel Departamentu d'Industria de la Xeneralidá de Cataluña, desempeñando'l cargu de direutora xeneral del Centru d'Información y Desarrollu Empresarial (CIDEM), direutora xeneral de Promoción Comercial, presidenta del Consorciu pa la Promoción Comercial de Cataluña (COPCA), so les órdenes del direutor xeneral d'Industrial de la Xeneralidá, Josep Piqué. En 1997 abandonó'l so cargu de secretaria xeneral del Bancu de Sabadell pa ser nomada direutora xeneral de Retevisión, dende onde dirixó'l procesu d'espansión del operador de telecomunicaciones, por aciu la vertebración de la compañía al traviés de los sos filiales Retevisión Móvil (telefonía móvil), Onda dixital (televisión dixital terrestre y Retevisión Interactiva (servicios d'internet).
Ministra de Ciencia y Teunoloxía Ensin afiliación política a nengún partíu, foi nomada ministra de Ciencia y Teunoloxía cola formación del segundu gobiernu de José María Aznar nel añu 2000. Ocupó esti cargu hasta'l 10 de xunetu de 2002, momentu nel cual foi sustituyida por Josep Piqué.
Distinciones Gran Cruz de la Real y Bien Distinguida Orde de Carlos III (2002):
Referencies
Enllaces esternos
Categoría:Políticos y polítiques d'España Categoría:Ministros y ministres d'Industria d'España Categoría:Ministros y ministres d'España del Partíu Popular Categoría:Ministros y ministres d'España Categoría:Economistes de Cataluña Categoría:Persones de Girona