María Soledad Becerril Bustamante, Marquesa de Salvatierra ye una política (UCD y PP) y profesora española. En 1981 foi nomada ministra de Cultura, convirtiéndose na primer muyer n'ocupar una cartera ministerial dende la Segunda República. En 2012 foi la primer muyer n'ocupar el cargu de Defensora del Pueblu yá que asumió hasta'l 21 xunetu de 2017.
Biografía Fía d'Enrique Becerril y Antón-Miralles y de la so esposa, María Bustamante y Polo de Bernabé. Ye la menor de cuatro hermanos.
Llicenciada en Filosofía y Lletres, especializada en filoloxía inglesa pola Universidá de Madrid, completó los sos estudios na Universidá de Columbia. Foi profesora na Universidá de Sevilla. Fundó en Sevilla la revista d'información andaluza La Ilustración Rexonal, de la que foi conseyera delegada. En 1974, ingresó na Federación de Partíos Demócrates y Lliberales, integrándose dempués nel Partíu Demócrata d'Andalucía que darréu s'integró na Unión de Centru Democráticu. Foi escoyida Congresu de los Diputaos Diputada nes eleiciones xenerales de 1977 y na primer llexislatura pola UCD. Na cuarta, quinta y sesta llexislatures foi escoyida diputada nes files del Partíu Popular. Formó parte de la ponencia encargada de redactar el Estatutu d'Autonomía d'Andalucía.
Mientres la primer llexislatura foi nomada por Leopoldo Calvo-Sotelo ministra de Cultura n'avientu de 1981, siendo la primer muyer qu'aportaba al Conseyu de Ministros dende la Segunda República, cuando lo fueron l'anarquista Federica Montseny y yá nel exiliu, la republicana Victoria Kent. Permaneció nesti cargu hasta avientu de 1982, cuando tomó posesión el primer gobiernu de Felipe González.
Foi alcaldesa de Sevilla dende 1995 a 1999. En 2004 foi escoyida senadora pola provincia de Sevilla y en 2008, diputada pola Circunscripción eleutoral de Sevilla.
El 29 de xunu de 2012 foi designada pal cargu de Defensor del Pueblu d'España, siendo la primer muyer escoyida pa ocupar esti puestu.El País En xunu de 2017 anunció'l so arrenunciu tres cinco años nel cargu, que se fixo efectiva'l 21 de xunetu.
Cargos desempeñaos Diputada per Sevilla nel Congresu de los Diputaos (1977-1982) Ministra de Cultura d'España (1981-1982). Diputada per Sevilla nel Congresu de los Diputaos (1989-1996) Teniente de alcade de Sevilla (1991-1995) Alcaldesa de Sevilla (1995-1999) Diputada per Sevilla nel Congresu de los Diputaos (2000-2004) Vicepresidenta tercer del Congresu de los Diputaos (2000-2004) Senadora per Sevilla (2004-2008). Diputada per Sevilla nel Congresu de los Diputaos (2008-2011) Defensora del Pueblu d'España (Dende 2012)
Distinciones honorífiques 50px Dama Gran Cruz de la Orde de Carlos III (02/12/1982).Boletín Oficial del Estáu Medaya d'Oru d'Andalucía (28/02/2006). Premiu Manuel Clavero (23/05/2018)
Referencies
Enllaces esternos
Conceyu de Sevilla Ficha personal del Senáu d'España. . Febreru de 2006. Defensor del Pueblu
Categoría:Políticos y polítiques del Partíu Popular Categoría:Políticos y polítiques de la Unión de Centru Democráticu Categoría:Políticos y polítiques d'España Categoría:Alcaldes y alcaldeses d'Andalucía Categoría:Diputaos y diputaes d'España Categoría:Senadores pola provincia de Sevilla Categoría:Senadores d'España Categoría:Ministros y ministres d'España Categoría:Ministros y ministres de Cultura d'España Categoría:Ministros y ministres del Gobiernu d'España de la Unión de Centru Democráticu Categoría:Defensores del pueblu