Isabel García Tejerina ye una política española, miembru del PP. Foi, dende 4 de payares de 2016 y hasta'l 1 de xunu de 2018, Ministra d'Agricultura y Pesca, Alimentación y Mediu Ambiente d'España. Foi secretaria xeneral d'Agricultura y Alimentación d'España en dos periodos: d'abril de 2000 a abril de 2004 y de febreru de 2012 a abril de 2014, so les órdenes del ministru Miguel Arias Cañete. El 28 d'abril de 2014, foi designada pal cargu de ministra d'Agricultura, Alimentación y Mediu Ambiente d'España, cargu que caltuvo hasta la formación del Gobiernu d'España el 4 de payares, onde se camudó la denominación del ministeriu, siguiendo como titular.
Biografía García Tejerina estudió nel Colexu La Enseñanza de Valladolid, perteneciente a la Compañía de María. Ye inxeniera agrónoma pola Universidá Politéunica de Madrid y llicenciada en Derechu pola Universidá de Valladolid. Cuenta, amás, con dos talos másteres en Comunidaes Europees pola Universidá Politéunica de Madrid y n'Economía Agraria pola Universidá de California en Davis. thumb|left|Nuna xunta informal de ministros d'Agricultura y Pesca en setiembre de 2017 Desenvolvió práuticamente la totalidá de la so carrera política nel Ministeriu d'Agricultura, primero como asesora de los ministros Loyola de Palacio, Jesús Posada y Miguel Arias Cañete, y darréu como secretaria xeneral d'Agricultura y Alimentación nel ente ministerial, en dos etapes: de 2000 a 2004 y de 2012 a 2014.
Foi, igualmente, direutora de planificación estratéxica de la empresa Fertiberia ente 2004 y 2012 y nesi mesmu periodu, conseyera de la compañía mercantil arxelina de fertilizantes Fertial S.P.A.
El 28 d'abril de 2014 ye nomada ministra d'Agricultura en sustitución de Miguel Arias Cañete, que foi escoyíu europarllamentariu y comisariu d'Enerxía de la Unión Europea. Nes eleiciones xenerales d'España de 2015 y les eleiciones xenerales d'España de 2016 foi la candidata númberu 3 na llista del PP per Madrid al Congresu de los Diputaos, colo que consiguió escañu pa les XI y XII Llexislatures.Real Decretu 303/2014, de 28 d'abril, pol que se noma Ministra d'Agricultura, Alimentación y Mediu Ambiente a doña Isabel García Tejerina.
El 3 de payares de 2016 revalida'l so cargu al frente del Ministeriu de Mediu Ambiente, qu'incorpora na nomenclatura'l términu pesca pa llamase Agricultura, Pesca y Alimentación y Mediu Ambiente.
Notes y referencies
Tejerina repite como Ministra d'Agricultura, Pesca y Alimentación y Mediu Ambiente
Enllaces esternos
Categoría:Políticos y polítiques del Partíu Popular Categoría:Políticos y polítiques de Castiella y Lleón Categoría:Secretarios Xenerales d'España Categoría:Ministros y ministres d'Agricultura d'España Categoría:Ministros y ministres d'España del Partíu Popular Categoría:Diputaos y diputaes d'España