Robert Burns Woodward foi un químicu y profesor universitariu d'Estaos Xuníos gallardoniáu col Premiu Nobel de Química del añu 1965.
Biografía Fíu d'inmigrantes británicos (Arthur Woodward d'Inglaterra y Margaret Woodward de Glasgow, Escocia) estudió química nel Institutu Teunolóxicu de Massachusetts (MIT), onde se llicenció en 1936 y doctoró en 1937. Darréu realizó una tesis postdoctoral na Universidá d'Illinois, y a partir de 1950 foi profesor de química y catedráticu na Universidá de Harvard.
Woodward finó na so residencia de Cambridge víctima d'un infartu de miocardiu.
Investigaciones científiques Interesáu na síntesis química de sustancies orgániques, consiguió sintetizar la quinina en 1944, el colesterol y la cortisona en 1951, la estricnina en 1954, la reserpina en 1956 y la vitamina B12 en 1971. Tamién consiguió reproducir nun llaboratoriu la molécula de la clorofila, el pigmentu responsable del color verde de les plantes.
En 1965 foi-y concedíu'l Premiu Nobel de Química polos sos trabayos na síntesis de materiales naturales.
En 1959 foi gallardoniáu cola Medaya Davy pola Royal Society.
Los sos trabayos teóricos inclúin la so collaboración con Roald Hoffmann, con quien realizó estudios de los mecanismo de reacción de los productos químicos, instaurando les regles de Woodward-Hoffmann.
Referencies
Enllaces esternos Páxina web del Institutu Nobel, Premiu Nobel de Química 1965 (n'inglés) Autobiografía de premiu Nobel: Woodward (n'inglés)
Categoría:Medaya Copley Categoría:Químicos y químiques d'Estaos Xuníos Categoría:Premiu Nobel de Química Categoría:Premiu Nobel d'Estaos Xuníos Categoría:National Medal of Science Categoría:Medaya Davy Categoría:Persones de Massachusetts Categoría:Pedagogos y pedagogues d'Estaos Xuníos Categoría:Miembros de la Royal Society