Mikhaíl Serguéyevich Gorbachov (; ) foi un políticu rusu. Foi Secretariu Xeneral del Partíu Comunista de la Xunión Soviética dende 1985 hasta 1989 y presidente executivu de la Xunión de Repúbliques Socialistes Soviétiques dende 1989 hasta 1991.

Biografía Ñació'l 2 de marzu de 1931 en Privólnoie (Krai de Stávropol), cerca'l Cáucasu, na RSFS de Rusia, nel senu d'una familia llabradora.

Xunióse a la Komsomol en 1946 y mientres cuatro años trabayó como operador ayudante nuna cosechadora de ceberes, na estación de máquines y tractores de la so llocalidá. En 1950 entamó los sos estudios na Universidá Estatal de Moscú, ingresando en 1952 nel Partíu Comunista de la Xunión Soviética (PCXS). En 1953 casóse con Raísa Maksímovna Titarenko, estudiante de filosofía, con quien tendría una fía, Irina, en 1957.

En 1955, llogró'l títulu de llicenciáu en Drechu pola Universidá de Moscú, siendo dempués el primer tituláu universitariu ocupando'l puestu de Secretariu Xeneral del PCUS, en llugar de graduáu pola Escuela Suprema del Partíu (VPSh).

thumb|left|Gorbachov visitando una granxa na Alemaña Oriental en 1966.

Ente 1955 y 1962, desempeñó los cargos de primer secretariu del comité del Komsomol de Stávropol y del krai de Stávropol. En 1970, foi xubíu a xefe del departamentu del comité territorial del PCUS de Stávropol. En 1966 pasó a ocupar el cargu de primer secretariu del comité urbanu del Partíu de dicha llocalidá. En 1967, completó un cursu per correspondencia nel Institutu Agrícola de Stávropol. En 1968, foi escoyíu segundu secretariu del comité territorial del PCUS y en 1970 pasó a ocupar la primer secretaría d'esti.

En 1971, llegó al Comité Central del PCUS. En 1978, escoyéronlu secretariu d'Agricultura nel Comité Central del Partíu Comunista. En 1980, incorporóse al Politburó del Comité Central convirtiéndose nel so miembru más nuevu (a los cuarenta y nueve años).

Ver tamién Xunión Soviética Partíu Comunista de la Xunión Soviética

Referencies

Enllaces esternos

Categoría:Gobernantes de la Xunión Soviética Categoría:Premiu Princesa d'Asturies de Cooperación Internacional