María Esther Gorostiza Rodríguez , más conocida como Analía Gadé, foi una actriz arxentina afincada n'España.
Biografía D'orixe vascu per parte de padre, en 1948 ganó un concursu de guapura qu'entamaba'l programa Radiolandia, que'l so premiu yera una apaición na película La serpiente de cascabel. Tan solo dos años dempués debutaba nel teatru.
Forma entós compañía propia col so home (dende 1949) Juan Carlos Thorry (Torrontegui), de quien acaba divorciándose. Simpatizante del peronismu, va ser escorrida mientres el réxime de Pedro Eugenio Aramburu, polo que tien de colar al exiliu,Retoricas de lo popular nel cine y la lliteratura arxentina de la primer metá del sieglu XX. Castillo, Maria Gabriela, NEW YORK UNIVERSITY, 2008, ISBN 1243973005, p 122 llega a España en 1956 y empieza a trabayar en cine y teatru, de la que se xune sentimentalmente al actor y direutor Fernando Fernán Gómez. Mientres esa etapa compaxina les sos apaiciones en películes rodaes por Fernán Gómez, siendo La vida por delante la más conocida, con comedies romántiques como Las muchachas de azul (1957), de Pedro Lazaga o Una muchachita de Valladolid (1958), de Luis César Amadori. En 1961 participa en Madame Sans-Gene de Christian-Jaque, onde se xacia con Sofía Loren.
Nesa dómina estrénase tamién como presentadora de televisión nel magacín de TVE Analía Gadé cúntanos (1961–1962).
A partir de los años 1970 opta por películes de rexistru dramáticu para, finalmente, centrar la so carrera nel teatru, con incursiones en televisión: La señora García se confiesa (1976), con Adolfo Marsillach; Lucía Bonelli (1984), Compuesta y sin novio (1994), con Lina Morgan, y Carmen y familia (1996), con Beatriz Carvajal.
Ye hermana del fináu y conocíu dramaturgu y Secretariu de Cultura con Raúl Alfonsín, Carlos Gorostiza.
Premios Medayes del Círculu d'Escritores Cinematográficos
Añu Categoría Película Resultáu 1958 Premiu especial d'interpretación Conxuntu de la so obra 1972 Meyor actriz Llabor de conxuntu
Pola so carrera cinematográfica en 2004 l'Asociación de Cronistes Cinematográficos de l'Arxentina apurrió-y el Premiu Cóndor de Plata a la trayeutoria.
Filmografía (seleición)
Teatru (seleición) Les bruxes de Salem (1956). La viudita naviera (1960). La llaina seducción (1967). La galbana (1968). La libélula (1976). Emily (1983), monólogu, con direición de Miguel Narros. El monumentu (1983). Les muyeres sabies (1984), de Molière, con Amparo Baró y Gracita Morales. Revistes del corazón (1985), de Juan José Alonso Millán. Dames, señores, muyeres (1987). Cola mosca na oreya (1988). Cúntalo tu, que tienes más gracia (1989). Anda la mio madre (1990). Cartes d'amor (obra de teatru) (1992) Namái pa pareyes (1993). Cartes d'amor (obra de teatru) (1997). Sweet Bird of Youth (2001).
Referencies
Enllaces esternos
Categoría:Actores y actrices de cine d'Arxentina Categoría:Actores y actrices de cine d'España Categoría:Actores y actrices de televisión d'Arxentina Categoría:Actores y actrices de televisión d'España Categoría:Actores y actrices de teatru d'Arxentina Categoría:Actores y actrices de teatru d'España Categoría:Persones de Córdoba (Arxentina) Categoría:Ganadores de la Medaya del CEC a la meyor actriz Categoría:Ganadores del Premiu Cóndor de Plata