Marilyn N. Raphael ye una climatóloga de Trinidá y Tobagu conocida pol so trabayu sobre'l cambéu climáticu y la variabilidá nel hemisferiu sur d'alta llatitú. Ye profesora y exjefa del Departamentu de Xeografía de la Universidá de California en Los Angeles (UCLA).
Biografía Marilyn Raphael nació y creció en Trinidá y Tobagu. Llogró la llicenciatura en Xeografía de la Universidá McMaster en 1984 y la maestría y el doctoráu de la Universidá Estatal d'Ohio. Los sos intereses d'investigación son el cambéu climáticu global y la variabilidá, específicamente la dinámica del clima na llatitú media y alta del hemisferiu sur y la interacción ente'l xelu marino antárticu y l'atmósfera. Na so investigación utiliza modelos climáticos globales y tamién bases de datos d'observación a gran escala.
Foi profesora nel Departamentu de Xeografía de la UCLA dende 1998, ente otres materies impartió cursos de Climatoloxía, Analís del Impautu Ambiental, Seminario-Estudio Ambientales, Climatoloxía Tropical y Publicación d'Investigaciones Xeográfiques. Foi xefa del departamentu ente 2010 y 2013.
Raphael ye copresidenta del grupu d'espertos en Procesos y Clima Marín Antárticu (ASPeCt) del Comité Científicu pa la Investigación Antártica (SCAR). Tamién ye codireutora de la Iniciativa de Predicción del Clima Polar (PCPI) del Programa Mundial d'Investigaciones Climátiques (PMIC). Ye coautora del llibru The Encyclopedia of Weather and Climate Change: A Complete Visual Guide, pol que recibió'l premiu Atmospheric Science Librarians International Choice Award en 2010.
Referencies
Categoría:Científicos y científiques d'Estaos Xuníos Categoría:Climatólogos y climatólogues Categoría:Wikipedia:Mantenimientu:Persones ensin plantía nym