María Mijáilovna de Rusia foi un miembru de la dinastía Romanov qu'ostentó por derechu propiu'l títulu de Gran Duquesa de Rusia.
Biografía
María foi la fía mayor del Gran Duque Miguel Pávlovich de Rusia y de la so esposa, la princesa Carlota de Wurtemberg. La so crianza y la so educación foi siguida de cerca pola so madre. El Gran Duque nun tuviera nengún fíu home, pero sicasí amosó a les sos fíes desfiles y maniobres militares, alegando que cualesquier d'elles tuviera capacitada pa poder mandar un reximientu de caballería. Inclusive-yos enseñó les artes de la caballería ya infantería. Siendo la más fráxil de salú de les tres hermanes, alredor de los venti años, María empezó a amosar los primeros signos de la enfermedá que la llevaría a la tumba. Pero la xente de la so redolada nun detectaron la más mínima señal que fora digna de ser tomada en considerancia.
Acompañada polos sos dos fíes mayores María y Sabela, la gran duquesa Elena Pávlovna (el nome tomó Carlota dempués de la so conversión a la Ilesia Ortodoxa Rusa) visitó les cortes europees, en busca de posibles cónyuges pa los dos duqueses. Dempués de delles estancies en delles capitales europees, Elena Pávlovna y les sos fíes llegaron a Viena. Xusto en Viena, María morrió nos brazos del so padre, careciendo tuberculosis galopante, el 19 de payares de 1846.
Foi soterrada na Catedral de San Pedru y San Pablo en San Petersburgu. La so madre, esgañada pol dolor, nun podía acompañar a la so fía nel so llugar de descansu final. A la memoria de les sos fíes mayores, María y Sabela, esta postrera morrió al dar a lluz el 28 de xineru de 1845 en Wiesbaden, la so madre mandó construyir un hospital y un orfanatu.
Títulos y estilos 9 de marzu de 1825 – 19 de payares de 1846: La so Alteza Imperial la Gran Duquesa María Mijáilovna de Rusia.
Ancestros
Referencies
Categoría:Nobles de Rusia Categoría:Romanov Categoría:Persones de Moscú