220px|thumb|right|Conny Vandenbos n'Eurovisión
Conny Vandenbos, nacida Jacoba Adriana Hollestelle, foi una cantante holandesa.
Carrera profesional Fixo'l so debú como solista nun programa de radio na KRO para nuevos talentos, nel qu'interpretó cantares franceses. Tres la so actuación en 1961 nel Festival Knokke en Bélxica, Conny robló un contratu cola Phonogram Records. En 1964 fixo una serie pa televisión llamada Zeg Maar Conny (Llámame Conny) pa la candena pública NCRV.
En 1965 representó a los Países Baxos en Nápoles, Italia, nel Festival del Cantar d'Eurovisión 1965, col cantar 't Is Genoeg (Ye abondu), alcancando la 11ª posición.Eurovisión Países Baxos - 1965 Un añu dempués Vandenbos finalmente algamaría l'ésitu cola so tema Ik Ben Gelukkig Zonder Jou (Soi feliz contigo). A principios de los 70 Conny dexó la Phonogram Records y robló cola Basart Records en xineru de 1973. Mientres el so contratu cola Basart llanzó numberosos álbumes y singles que de cutiu aportaron a un ésitu nel mercáu holandés. Nesti periodu versionó al neerlandés cantares bien conocíos, incluyendo un álbum completu de cantares de Janis Ian tituláu Conny Vanderbos Zingt Janis Ian. El dúu con Janis Ian Don't Leave Tonight algamó'l nᵘ 17 nes llistes holandeses n'avientu de 1980.Llistes d'ésitos de los Países Baxos Na década de 1990 presentó programes de radio.
Renocimientos En 1976 recibió un premiu Gouden Harp pol so álbum Zo Wil Ik Leven. En 1993 foi premiada con un discu d'oru pol so álbum 14 Grootste Hits Van Conny Vandenbos. En 2000 asitióse un adoquín col so nome nel Walk of Fame Europe en Rotterdam.
Vida personal Conny Vandenbos casóse con Wim van den Bos, del que tomó'l so nome artísticu y con quien tuvo a la so fía Karin. El so segundu matrimoniu foi col baxista del tríu Leedy Trio, Ger Faber, col que tuvo al so fíu, Jeroen.
Conny Vandenbos morrió'l 7 d'abril de 2002, dos selmanes dempués d'anunciar que sufría cáncer de pulmón.
Referencies
Enllaces esternos http://www.connyvandenbos.com/ Conny Vandenbos en IMDb.es
Categoría:Cantantes de los Países Baxos Categoría:Representantes de los Países Baxos n'Eurovisión Categoría:Participantes n'Eurovisión 1965 Categoría:Cantantes en neerlandés Categoría:Persones de L'Haya