Constanza d'Aragón , princesa d'Aragón y reina consorte de Sicilia, por cuenta del so matrimoniu con Federico III de Sicilia.
Fía única de Pedro IV d'Aragón y de la so primer esposa María de Navarra, yera polo tanto nieta d'Alfonso IV d'Aragón y de Teresa de Entenza per llinia paterna, ente que pela llinia materna lo yera de Xuana II de Navarra y Felipe d'Évreux. Coles mesmes foi mediohermana per llinia paterna de dos reis d'Aragón: Xuan I y Martín I.
Biografía En 1347, tres la muerte de la so madre, foi proclamada heredera al tronu pol so padre; pero dichu nomamientu nun foi bien recibíu pola nobleza, que nun aceptaba que nomara heredera de la corona a la so fía mayor. Por causa de ello hubo d'encalorar la revuelta de la Unión d'Aragón, asociada cola Unión de Valencia dirixida pol so hermanascu Fernando d'Aragón y Castiella. Dicha situación foi resuelta de manera definitiva en 1351, al nomar herederu a Juan, fíu primoxénitu que tuvo cola so tercer esposa, Leonor de Sicilia.
Tuvo prometida con Luis de Sicilia, pero la muerte prematura d'este en 1355 fizo que se casara col so hermanu Federico el 11 d'abril de 1361.
Del so matrimoniu nació una única fía, la futura reina de Sicilia, María. Constanza morrió mientres l'allumamientu'l 18 de xunetu de 1363. Los sos restos xacen nun sarcófagu na Capiya de l'Adoración de la Catedral de Catania.
Ancestros Ancestros de Constanza d'Aragón y Navarra
Referencies
Enllaces esternos Árbol xenealóxicu d'ancestros de Pedro IV, el ceremoniosu (parte en francés, inglés y español).
Categoría:Infantes d'Aragón del sieglu XIV de la casa d'Aragón Categoría:Infantes d'España na Edá Media Categoría:Reines consortes de la Casa d'Aragón Categoría:Reines consortes de Sicilia Categoría:Reis y reines consortes Categoría:Wikipedia:Artículos con plantía Otros usos a páxines que nun esisten