Cristina Pérez Díaz ye una atleta retirada española especialista en pruebes de velocidá.
Trayeutoria Con 17 abandona la so ciudá natal pa colase a entrenar a la residencia Blume en Madrid xunto al entrenador Manuel Pascua. En 1987 llogró la medaya de bronce nel Campeonatu Européu d'Atletismu en Pista Cubierta celebráu en Liévin na prueba de 400m llisos. El so meyor añu foi 1988 onde batió mientres la temporada siete récores d'España (100m, 200m, 4x100 y 400m valles) lo que-y dexó llograr marca mínima p'allegar a los Xuegos de Seúl en cuatro pruebes. Na ciudá asiática namái participó na prueba de 400 metros valles, algamando les semifinales y batiendo por dos vegaes el récor d'España. La so marca de 55.23 llograda nes semifinales de los Xuegos inda permanez como récor d'España. Nos Xuegos de Barcelona en 1992 formó parte del equipu del relevu 4x400 siendo esaniciada en primer ronda xunto al restu del equipu al rematar en 6ª posición na so serie de clasificación. Ta casada col doctor Eufemiano Fuentes.
Referencies
Enllaces esternos Cristina Pérez Díaz
Categoría:Atletes de Canaries Categoría:Deportistes nos Xuegos Olímpicos de Barcelona 1992 Categoría:Récores d'España d'atletismu Categoría:Persones de Las Palmas de Gran Canaria