Catharina Julia Roeters van Lennep foi una pintora neerlandesa.
Biografía Yera fía del mercader, tamién cónsul en Königsberg, Roeters Jacob van Lennep y Johanna Hermina Coster. Estudió na Real Academia de Belles Artes d'Ámsterdam, onde foi miembru honorariu en 1838.
La so obra foi espuesta na academia regularmente. Foi alumna del pintor de bodegones de fruta y flores Anton Weiss. Catharina Julia pintó tamién bodegones de fruta y flores amás d'escenes de caza. Por una de les sos naturaleces muertes l'añu 1842 dióse-y la medaya de plata de la Sociedá Felix Meritis. Ella foi retratada pola pintora d'Ámsterdam Thérèse Schwartze.
El 5 d'ochobre de 1836, casóse col abogáu y xuez de distritu Jeronimo de Vries, n'Ámsterdam. Xunto col so home fixo campaña pal establecimientu de guarderíes na ciudá. La fundación de la guardería Sophie, col soporte de la entós princesa Sophie, foi la primer resultancia tanxible. Al traviés d'esti exemplu, consiguiéronse abrir nueve guarderíes dientro los siguientes trés años
Referencies
Categoría:Pintores de los Países Baxos